ମର୍ଶାଘାଇ,୨୮/୦୯: ପାରାଦ୍ୱୀପ-ଚଣ୍ଡିଖୋଲ ୫୩ ନମ୍ବର ଜାତୀୟ ରାଜପଥରେ ସଡକ ଦୁର୍ଘଟଣା । ଦିବ୍ୟାଙ୍ଗଙ୍କ ଜଳଖିଆ ଦୋକାନ ଉପରେ ମାଡିଗଲା ମାଲବାହୀ ଟ୍ରକ୍ । ଦୋକାନ ଭିତରେ ଥିବା ଦୋକାନ ମାଲିକ ଦୈତାରୀ ସାହୁଙ୍କ ସମେତ ୩ ଜଣ ଅଳ୍ପକେ ବର୍ତ୍ତି ଯାଇଛନ୍ତି । କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ବଉଦ ଅଫିସ ଛକଠାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଶନିବାର ସକାଳୁ ପାରାଦ୍ୱୀପ ଆଡୁ ଏକ ମାଲବାହୀ ଟ୍ରକ୍ ଦୃତଗତିରେ ଆସି ଦୋକାନ ଉପରକୁ ମାଡି ଯାଇଥିଲା । ଏହି ଦୁର୍ଘଟଣାରେ ଦୋକାନ ଭିତରେ ଥିବା ଦୈତାରୀଙ୍କ ସମେତ ୩ ଜଣ ଅଳ୍ପକେ ବର୍ତ୍ତି ଯାଇଛନ୍ତି । ଦୋକାନର ସମସ୍ତ ଜିନିଷ ପତ୍ର ଭାଙ୍ଗି ନଷ୍ଟ ହେବା ସହିତ ଦୈତାରୀଙ୍କ ଟ୍ରାଇସାଇକେଲଟି ମଧ୍ୟ ସଂପୂର୍ଣ୍ଣ ଭାବରେ ଭାଙ୍ଗି ଯାଇଛି । ଏନେଇ ଦୈତାରୀ ନିକଟସ୍ଥ ଥାନାରେ ଏକ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୋଲିସ ଘଟଣାସ୍ଥଳରେ ପହଞ୍ଚି ଗାଡିକୁ ଜବତ କରିବା ସହିତ ଚାଳକକୁ ଅଟକ ରଖି ତଦନ୍ତ ଜାରି ରଖିଛି ।