ମାର୍ଶାଘାଇ,୧୬/୦୯: ରେଳ ପୋଲ ଉପରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ । ମୃତଦେହ ନିକଟରେ ଏକ ହେଲମେଟ ପଡ଼ିଥିବାର ଦେଖିବାକୁ ମିଳିଛି । ବ୍ୟକ୍ତିଙ୍କୁ କିଏ ମାରି ପକେଇ ଦେଇଥିବା ଅନୁମାନ କରାଯାଉଛି । କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ଥାନା ଅନ୍ତର୍ଗତ କେନାଲବ୍ରିଜ ନିକଟ ରେଳ ପୋଲ ଉପରେ ଏଭଳି ଘଟଣା ଘଟିଛି ।

ସୂଚନା ମୁତାବକ, କେନାଲବ୍ରିଜ ନିକଟ ରେଳ ପୋଲ ଉପରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ପଡ଼ିଥିବାର ଦେଖିବାକୁ ପାଇଥିଲେ ସ୍ଥାନୀୟଲେକେ । ଏହା ଦେଖି ସ୍ଥାନୀୟଲୋକ ମାର୍ଶାଘାଇ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ତେବେ ଉକ୍ତ ମୃତଦେହ ପାଖରେ ଏକ ହେଲମେଟ ପଡ଼ି ରହିଥିଲା । କେହି ଜଣେ ବ୍ୟକ୍ତିଙ୍କୁ ହତ୍ୟାକରି ସେଠାରେ ପକାଇ ଦେଇଥିବା ଅନୁମାନ କରାଯାଉଛି । ଏହି ଘଟଣାର ଅଧିକ ତଦନ୍ତ କରି ହତ୍ୟାକାରୀକୁ ଖୋଜୁଛି ପୋଲିସ।