ମୁମ୍ବାଇ, ୧୫/୧୧: ବିରାଟଙ୍କ ବିଶ୍ୱ ରେକର୍ଡ । ୱାଙ୍ଖେଡେ ଗ୍ରାଉଣ୍ଡରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି କିଙ୍ଗ୍ କୋହଲି । ନ୍ୟୁଜିଲାଣ୍ଡ ବିପକ୍ଷ ବିଶ୍ୱକପ୍ ସେମି ଫାଇନାଲରେ ଦିନିକିଆ କ୍ୟାରିୟରରେ ବିରାଟ କୋହଲି ୫୦ତମ ଶତକ ମାରିଛନ୍ତି । ଏଥିସହ କୋହଲି ଭାଙ୍ଗିଛନ୍ତି ତେନ୍ଦୁଲକରଙ୍କ ବିଶ୍ୱ ରେକର୍ଡ ।
୨୯୧ଟି ଦିନିକିଆ ମ୍ୟାଚ୍ ଖେଳି ସଚିନଙ୍କ ରେକର୍ଡକୁ ଭାଙ୍ଗିଛନ୍ତି ବିରାଟ । ସୂଚନାଯୋଗ୍ୟ, ସଚିନ୍ ତେନ୍ଦୁଲକର ୪୬୩ଟି ଦିନିକିଆ ମ୍ୟାଚ୍ ଖେଳି ୧୮ ହଜାର ୪୨୬ ରନ୍ ସଂଗ୍ରହ କରିଥିଲେ । ଯେଉଁଥିରେ ସଚିନଙ୍କ ନାଁରେ ଦିନିକିଆରେ ୪୯ଟି ଶତକ ସାମିଲ୍ ଥିଲା । ଏବେ କୋହଲି ଦିନିକିଆରେ ୫୦ତମ ଶତକ ମାରି ତେନ୍ଦୁଲକରଙ୍କ ସେଞ୍ଚୁରୀ ରେକର୍ଡ ଭାଙ୍ଗିଛନ୍ତି ।
ବିଶ୍ବକପରେ ଛକା ମାରିବାରେ ରେକର୍ଡ କଲେ ରୋହିତ ଶର୍ମା, ପଛରେ ରହିଗଲେ କ୍ରିସ୍ ଗେଲ୍
ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ଶତକୀୟ ପାଳି ଖେଳିଥିବା ବିରାଟ କୋହଲି ନିଜ ନାଁରେ ଆଉ ଏକ ରେକର୍ଡ ଯୋଡ଼ିଛନ୍ତି । ଦିନିକିଆରେ ସର୍ବାଧିକ ରନ୍ ସଂଗ୍ରହ କରିଥିବା ତୃତୀୟ ବ୍ୟାଟ୍ସମ୍ୟାନ ହୋଇଛନ୍ତି ବିରାଟ । ଅଷ୍ଟ୍ରେଲିଆର ପୂର୍ବତନ ଖେଳାଳି ରିକି ପଣ୍ଟିଂକୁ ବିରାଟ ପଛରେ ପକାଇଛନ୍ତି । ପଣ୍ଟିଂ ଦିନିକିଆ କ୍ୟାରିୟରରେ ୧୩ ହଜାର ୭୩୪ ରନ୍ ସଂଗ୍ରହ କରିଥିଲେ ।
ସେହିଭଳି ଦିନିକିଆରେ ସର୍ବାଧିକ ସ୍କୋର୍ ରେକର୍ଡ ରହିଛି ସଚିନ୍ ତେନ୍ଦୁଲକରଙ୍କ ନାଁରେ । ତେନ୍ଦୁଲକର ଦିନିକିଆରେ ୧୮ ହଜାର ୪୨୬ ରନ୍ କରିଛନ୍ତି । ଯେତେବେଳେ କି ଶ୍ରୀଲଙ୍କାର କୁମାର ସାଙ୍ଗାକରା ଦିନିକିଆ କ୍ୟାରିୟରରେ ୧୪ ହଜାର ୨୩ ରନ୍ ସଂଗ୍ରହ କରିଛନ୍ତି ।
ଶତକ ସହ କୋହଲି ଗୋଟିଏ ବିଶ୍ୱକପରେ ସର୍ବାଧିକ ସ୍କୋର୍ କରିଥିବା ବ୍ୟାଟ୍ସମ୍ୟାନ୍ ହୋଇଛନ୍ତି । ୨୦୦୩ ବିଶ୍ୱକପରେ ସଚିନ୍ ୬୭୩ ରନ୍ କରିଥିଲେ । ଏବେ କୋହଲି ସଚିନଙ୍କ ୨୦୦୩ ରେକର୍ଡକୁ ଟପିଛନ୍ତି । ସଚିଙ୍କ ପରେ ମ୍ୟାଥୁ ହେଡନ୍ ୨୦୦୭ ବିଶ୍ୱକପରେ ୬୫୯ ରନ୍ କରିଥିଲେ । ଚଳିତ ବିଶ୍ୱକପରେ ରୋହିତ୍ ପ୍ରାୟ ୬୪୮ ରନ୍ ସଂଗ୍ରହ କରିଛନ୍ତି । ଚଳିତ ବିଶ୍ୱକପରେ ଏହା ହେଉଛି କିଙ୍ଗ୍ କୋହଲିଙ୍କ ତୃତୀୟ ଶତକ । ଏଥିସହ କୋହଲି ବିଶ୍ୱକପର ଚଳିତ ସଂସ୍କରଣରେ ସର୍ବାଧିକ ଅର୍ଦ୍ଧ ଶତକ ମାରିଛନ୍ତି ।