ଭୁବନେଶ୍ୱର,୨୫/୧୧: ଶୀଘ୍ର ଦଶପଲ୍ଲାକୁ ଗଡ଼ିବ ପାସେଞ୍ଜର ଟ୍ରେନ୍ । ଡିସେମ୍ବରରେ ଗଡ଼ିବ ବୋଲି ବିଶ୍ୱସ୍ତ ସୂତ୍ରରୁ ସୂଚନା ମିଳିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆଦିଲ୍ଲୀରୁ ଏହି ଟ୍ରେନ୍କୁ ଉଦ୍ଘାଟନ କରିବେ । ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ, କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉଦଘାଟନୀ ଉତ୍ସବରେ ଯୋଗଦେବେ ବୋଲି ଚର୍ଚ୍ଚା ହେଉଛି ।
ଅପରପକ୍ଷେ ଖୋର୍ଦ୍ଧା-ବଲାଙ୍ଗୀର ରେଳପଥ କାମ ଜୋର୍ ଧରିଛି । ଖୋର୍ଦ୍ଧା ପଟୁ ଦଶପଲ୍ଲା ପର୍ଯ୍ୟନ୍ତ କାମ ସରିଥିବା ବେଳେ ବଲାଙ୍ଗୀର ପଟୁ ସୋନପୁର ପର୍ଯ୍ୟନ୍ତ କାମ ସରିଛି ବୋଲି ରେଳ ବିଭାଗର ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ୨୦୨୪ ଫେବ୍ରୁଆରୀ ସୁଦ୍ଧା ସୋନପୁରରୁ ପୁରୁଣାକଟକ ପର୍ଯ୍ୟନ୍ତ ୭୩.୧୫୮ କିଲୋମିଟର କାମ ସରିବାକୁ ରେଳ ବିଭାଗ ଟାର୍ଗେଟ୍ ରଖିଥିବା କୁହାଯାଇଛି ।