ବଲାଙ୍ଗୀର, ୨୧/୬ : ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଡ଼ ମୁକେଶ ମହାଲିଙ୍ଗ ମନ୍ତ୍ରୀ ହେବା ପରେ ବଲାଙ୍ଗୀରରେ ପ୍ରଥମ ସମୀକ୍ଷା ବୈଠକ ଆଜି କରିଛନ୍ତି । ଜିଲ୍ଲାର ସ୍ୱାସ୍ଥ୍ୟ ବିଭାଗ ସ୍ଥିତି ନେଇ କରିଛନ୍ତି ସମୀକ୍ଷା । ସ୍ଥାନୀୟ ଡିଆରଡିଏଠାରେ ଆୟୋଜିତ ବୈଠକରେ ଜିଲ୍ଲା ସ୍ୱାସ୍ଥ୍ୟ ଅଧିକାରୀଙ୍କଠାରୁ ଭୀମ ଭୋଇ ମେଡିକାଲ କଲେଜ ଡିନ, ସମସ୍ତ ପିଏଚସି, ସିଏଚସି, ଏସଡିଏଚ ସହ ଜିଲ୍ଲା ହେଡକ୍ଵାଟର ଓ ମେଡିକାଲ କଲେଜର ସମସ୍ତ ଅଧିକାରୀ ବୈଠକରେ ଯୋଗଦେଇଥିଲେ ତା ସହ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଓ ଟିଟିଲାଗଡ଼ ବିଧାୟକ ନବୀନ ଜେନ ଉପସ୍ଥିତ ଥିଲେ ।
ତେବେ ବର୍ଷ ବର୍ଷ ଧରି ଖାଲି ପଡିଥିବା ଡାକ୍ତର ପଦବୀ ପାଇଁ କ୍ୟାବିନେଟ ବୈଠକରେ ନିଷ୍ପତ୍ତି ନେଇ ତୁରନ୍ତ ସମସ୍ୟା ସମାଧାନ କରାଯିବ । ବହୁ ଡାକ୍ତର ଛୁଟିରେ ରହି କାମ କରୁନଥିବାବେଳେ ସେମାନଙ୍କୁ ତୁରନ୍ତ କାର୍ଯ୍ୟରେ ଯୋଗ ଦେବେ ନ ଦେଲେ ସେହି ପୋଷ୍ଟ ଛାଡିବାକୁ ନିର୍ଦ୍ଦେଶ ଦେଇଛନ୍ତି। ତା’ସହ ସବୁଠୁ ବଡ଼ ନିଷ୍ପତ୍ତି ପିଏଚସି , ସିଏଚସି , ଏସଡିଏଚ ହେଡକ୍ବାଟର ସହ ମେଡିକାଲ କଲେଜରେ ଯେଉଁ ସୁପରିଟେଣ୍ଡେଣ୍ଟ ସହ ଅଧିକାରୀମାନେ ଅଛନ୍ତି ସେମାନଙ୍କୁ x ସୋସିଆଲ ମିଡିଆରେ ଆକ୍ଟିଭ ରହିବାକୁ ନିର୍ଦ୍ଦେଶ ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ । ତା’ସହ ବର୍ତ୍ତମାନ କିଭଳି ଚାଲିଛି ସ୍ୱାସ୍ଥ୍ୟବ୍ୟବସ୍ଥା ସେ ନେଇ ଆଲୋଚନା କରିଥିଲେ ।