ଫିରିଙ୍ଗିଆ,୨୮/୫ :  କିଛିଦିନର ନୀରବତା ପରେ ପୁଣି ଫିରିଙ୍ଗିଆ ପୋଲିସ ଏକ କାର୍ ସହ ୧୬କିଲୋ ଦୁଇ ସହ ଗ୍ରାମ ଗଞ୍ଜେଇ ଜବତ କରିଥିବାବେଳେ ଡ୍ରାଇଭର ସହ ଦୁଇ ଜଣ ମାଫିଆକୁ ଗିରଫ କରି କୋର୍ଟ ଚାଲାଣ କରିଛି  I ତେବେ ଗିରଫ ହୋଇଥିବା ଦୁଇ ଜଣ ହେଲେ ଫିରିଙ୍ଗିଆ ଥାନା ବନ୍ଧଗଡ଼ ଗାଁର ବିଶ୍ୱନାଥ ସାହୁ ଏବଂ  ତରୁଣ ପ୍ରଧାନ ବୋଲି ଜଣାପଡିଛି  I 

ସୂଚନା ଅନୁସାରେ ଏକ କାରରେ ଗଞ୍ଜେଇ ଚାଲାଣ ହେଉଥିବା କୌଣସି ସୂତ୍ରରୁ ଖବରପାଇ ଫିରିଙ୍ଗିଆ ଥାନାରେ କାର୍ଯ୍ୟରତ ଏସଆଇ ଅଜୟ ସାହୁଙ୍କ ସହ ଏକ ଟିମ୍ ବନ୍ଧଗଡ଼ଠାରୁ ଗୁଟିଙ୍ଗିଆକୁ ସଂଯୋଗ କରୁଥିବା ମୁଖ୍ୟ ରାସ୍ତାର ଜୋକେ ଛକ ନିକଟରେ କାର ଟିକୁ କାବୁ କରିବାରେ ସଫଳ ହୋଇଥିଲେ I ଘଟଣାସ୍ଥଳରେ କାରଟିକୁ ଯାଞ୍ଚ କରିବା ସମୟରେ ସେଥିରୁ ୧୬କିଲୋ ଦୁଇ ଶହ ଗ୍ରାମ୍ ଗଞ୍ଜେଇ ବାହାରିଥିଲା I ପରେ ପୋଲିସ କାରର ଡ୍ରାଇଭର ସହ ଦୁଇ ଜଣ ଚାଲାଣକାରୀଙ୍କୁ ଗିରଫ କରିବାରେ ସକ୍ଷମ ହୋଇଥିଲା I ଏହି ଗଞ୍ଜେଇ ଚାଲାଣରେ ଜବତ ହୋଇଥିବା କାରଟି ଫିରିଙ୍ଗିଆ ଥାନା କରଣ୍ଡାଗଡ଼ ଅଂଚଳର ବୋଲି ସୂଚନା ମିଳିଥିବାବେଳେ କାରର ମାଲିକଙ୍କ ମଧ୍ୟ୍ୟ ଏଥିରେ ସମ୍ପୃକ୍ତି ଥିବା ପୋଲିସ ଜାଣିବାକୁ ପାଇଛି I 

ସେପଟେ ଏହି ଘଟଣାରେ ଆଉ କାହାର ସମ୍ପୃକ୍ତି ରହିଛି ତାକୁ ନେଇ ତଦନ୍ତ ଜାରି ରହିଛି ବୋଲି ତଦନ୍ତକାରୀ ଅଧିକାରୀ ଅଜୟ ସାହୁ ସୂଚନା ଦେଇଥିବାବେଳେ ଗିରଫ ମାଫିଆମାନଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି I