ନୂଆଦିଲ୍ଲୀ,୨୮/୧୧: ଆଇଫୋନ୍‌ ନିର୍ମାତା ହୋନ୍‌ ହାଇ ପ୍ରିସିଜନ୍‌ ବା ଫକ୍ସକନ୍‌ ଭାରତରେ ଏହାର ପଦଚିହ୍ନ ସମ୍ପ୍ରସାରଣ କରିବ ।  ଏଥିପାଇଁ କମ୍ପାନି ଦେଶରେ ଆଉ  ୧୬୦ କୋଟି ଡଲାର ଏହାର ନିର୍ମାଣ  ପ୍ରକଳ୍ପଗୁଡ଼ିକ ପାଇଁ ନିବେଶ କରିବ । ତାଇୱାନ୍‌ରେ ଏକ ଏକ୍ସଚେଞ୍ଜ ଫାଇଲିଂରେ କମ୍ପାନି ଏହି ଘୋଷଣା  କରିଛି । 

କମ୍ପାନିର ଜଣେ ମୁଖପାତ୍ର  କହିଛନ୍ତି ଯେ, ଏ ନିବେଶ ପରିଚାଳନାଗତ  ଆବଶ୍ୟକତା ପାଇଁ ହେବ । ତେବେ  କମ୍ପାନିର ନୂତନ ଫ୍ୟାସିଲିଟି କେଉଁଠାରେ ନିର୍ମାଣ ହେବ, ତାହା ଉପରେ କୌଣସି  ସୂଚନା ଦିଆଯାଇନାହିଁ । 

ପ୍ରକାଶଯୋଗ୍ୟ, ୱାଶିଂଟନ ଏବଂ ବେଜିଂ ମଧ୍ୟରେ ବିବାଦ ବୃଦ୍ଧି ପାଉଥିବାବେଳେ ଫକ୍ସକନ୍‌  ଏବଂ ଅନ୍ୟାନ୍ୟ ତାଇୱାନ୍‌ଭିତ୍ତିକ ଇଲେକ୍ଟ୍ରୋନିକ୍ସ ନିର୍ମାତାମାନେ ଚୀନ୍‌ରୁ  ସେମାନଙ୍କ ବ୍ୟବସାୟକୁ ଅନ୍ୟତ୍ର  ସ୍ଥାନାନ୍ତର କରିବାକୁ ଚାହୁଁଛନ୍ତି ।