ମୁମ୍ୱାଇ – ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଆଦର୍ଶ ଆଚରଣ ବିଧି (ଏମସିସି) ଲାଗୁ ହେବାର କିଛି ହିଁ ଘଣ୍ଟା ପୂର୍ବରୁ,ଶାସକ ମହାୟୁତି ସରକାର ରାଜ୍ୟପାଳଙ୍କ କୋଟାର ୧୨ ବିଧାନ ପରିଷଦ ସଦସ୍ୟ ମଧ୍ୟରୁ ୭ ଜଣଙ୍କୁ ଶପଥ ପାଠ କରାଇଛି। ବିରୋଧୀ, ବିଶେଷକରି ଶିବସେନା (ୟୁବିଟି) ଅଭିଯୋଗ ଲଗେଇଛି କି, ଏହି ପଦକ୍ଷେପ ଅସାମ୍ୱିଧାନିକ।
ଶିବସେନା (ୟୁବିଟି)ର ସାଂସଦ ସଞ୍ଜୟ ରାଉତ କହିଛନ୍ତି, ଆମ ସରକାର ସମୟରେ ଆମେ (ମହା ବିକାଶ ଅଘାଡି) ଯେଉଁ ୧୨ଟି ନାଁ ଦେଇଥିଲୁ, ସେମାନଙ୍କ ବିଷୟରେ କୋର୍ଟରେ ମାମଲା ଚାଲୁ ରହିଛି। ବମ୍ୱେ ହାଇକୋର୍ଟ ଆଦେଶ ସୁରକ୍ଷିତ ରଖିଛନ୍ତି ଏବଂ ଏହି ମାମଲା କୋର୍ଟରେ ପେଣ୍ଡିଂ ଥିଲା , ଏଥିପାଇଁ ରାଜ୍ୟପାଳଙ୍କର ସାହାଯ୍ୟରେ ସରକାର ୭ଟି ନାଁର ଘୋଷଣା କରିଛନ୍ତି। ଏହା ଅବୈଧ ଓ ଅସାମ୍ୱିଧାନିକ।
ପୂର୍ବ ଏମଭିଏ ସରକାର ଦ୍ୱାରା ପ୍ରସ୍ତାବିତ ୧୨ଟି ନାଁକୁ ରାଜ୍ୟପାଳଙ୍କର ସ୍ୱୀକୃତି ନମିଳିବ ସମ୍ୱନ୍ଧିତ ପିଟିସନ କୋର୍ଟରେ ପେଣ୍ଡିଂ ରହିଛି। ମହାୟୁତି ସରକାର ରାଜ୍ୟପାଳଙ୍କ ମଞ୍ଜୁରୀ ପରେ ସୋମବାର ବିଳମ୍ୱିତ ରାତିରେ ଏକ ଅଧିସୂଚନା ଜାରି କରି ନୂଆ ନାଁର ଘୋଷଣା କରିଛନ୍ତି। ନିର୍ବାଚନ ଆୟୋଗଙ୍କ ଦ୍ୱାରା ଦ୍ୱିପ୍ରହର ୩.୩୦ଟା ସମୟରେ ନିର୍ବାଚନର ତାରିଖ ଘୋଷଣା କରିବାର କିଛି ଘଣ୍ଟା ପୂର୍ବରୁ ମଙ୍ଗଳବାର ଦ୍ୱିପ୍ରହରରେ ନେତାମାନେ ଶପଥ ନେଇଛନ୍ତି।
୭ ନାମ ମଧ୍ୟରୁ ବିଜେପି ୩ଟି ନାଁ ପ୍ରସ୍ତାବିତ କରିଛି , ଯାହାକି ଏକନାଥ ସିନ୍ଦେଙ୍କର ପରିଚାଳିତ ଶିବସେନା ଓ ଅଜିତ ପୱାରଙ୍କର ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ୨-୨ ନାଁ ପ୍ରସ୍ତାବିକ କରିଛି। ବିଜେପି ନିଜର ମହିଳା ଶାଖାର ପ୍ରମୁଖ ଚିତ୍ରା ୱାଘ, ବଞ୍ଜାରା ସଂପ୍ରଦାୟର ପୂଜାରୀ ବାବୁସିଂହ ରାଠୋର ଓ ଯୁବ ଶାଖାର ପ୍ରମୁଖ ବିକ୍ରାନ୍ତ ପାଟିଲଙ୍କୁ ନାମାଙ୍କନ ପାଇଁ ପ୍ରସ୍ତାବିକ କରିଛି।
ସାଙ୍ଗଲିର ପୂର୍ବତମ ମେୟର ଇଦରିସ ନାଇକୱାଡି (ଯିଏ ପାର୍ଟିର ମୁସଲିମ୍ ଚେହେରା)ଙ୍କୁ ପାର୍ଟିର ବରିଷ୍ଠ ନେତା ଓ ରାଜ୍ୟ ମନ୍ତ୍ରୀ ଛଗନ ଭୁଜବଳଙ୍କ ପୁଅ ପଙ୍କଜଙ୍କ ସହ ଏନସିପି (ଅଜିତ ପାୱାର) ଉଚ୍ଚ ସଦନ ପାଇଁ ନାମିତ କରିଛି। ସିନ୍ଦେ ସେନା ପରିଷଦର ନାମାଙ୍କନ ପାଇଁ ନିଜର ପୂର୍ବତନ ହିଙ୍ଗୋଲି ସାଂସଦ ହେମନ୍ତ ପାଟିଲ ଓ ପୂର୍ବତନ ଏମଏଲସି ମନିଷା କାୟନ୍ଦେଙ୍କ ନାମ ପ୍ରସ୍ତାବିତ କରିଛି।
