ନୂଆଦିଲ୍ଲୀ ୨୨/୧୨: ୩୦୦୦ ବର୍ଷ ପ୍ରାଚୀନ ଅନନ୍ତ ପଦ୍ମନାଭସ୍ୱାମୀ ମୂର୍ତ୍ତିକୁ ନେଇ ଚର୍ଚ୍ଚା । ୭୮୦୦ କିଲୋଗ୍ରାମ୍ ଶୁଦ୍ଧ ସୁନା, ୭୮୦,୦୦୦ଟି ହୀରା ଏବଂ ୭୮୦ କ୍ୟାରେଟ୍ର ହୀରାରେ ଏହି ମୂର୍ତ୍ତି ନିର୍ମିତ ହୋଇଛି । ପଦ୍ମନାଭସ୍ୱାମୀଙ୍କ ମୂଳ ମୂର୍ତ୍ତି ୩୦୦୦ ବର୍ଷ ପୁରୁଣା ବୋଲି ବିଶ୍ୱାସ ରହିଛି । ଏହାର ବର୍ତ୍ତମାନ ମୂଲ୍ୟ ଅନେକ ହଜାର ଲକ୍ଷ କୋଟି ବୋଲି କୁହାଯାଏ ।
ମନ୍ଦିର ମୂର୍ତ୍ତିମାନଙ୍କର ସ୍ଥପତୀ ଓ ଆଧୁନିକ ବିଶେଷଜ୍ଞଙ୍କ ଅନୁସାରେ, ମୂର୍ତ୍ତିର ମୂଲ୍ୟ ଆକଳନ କରାଯାଇ ପାରିନାହିଁ । ଫ୍ରାନ୍ସରୁ ବିଶେଷଜ୍ଞମାନଙ୍କର ଏକ ଟିମ୍କୁ ମୂର୍ତ୍ତିର ମୂଲ୍ୟ ଆକଳନ ପାଇଁ ଡକାଯାଇଥିଲା । କିନ୍ତୁ ସେମାନେ ପାରିନଥିଲେ । ସୁନା ଓ ହୀରା ମାମଲାରେ ମୂର୍ତ୍ତିର ଆକଳନ କରିନପାରି ସେମାନେ ଫେରିଯାଇଥିଲେ । ଆଉ କହିଥିଲେ, ଏହି ଚମତ୍କାର ମୂର୍ତ୍ତିକୁ ନିଜ ଆଖିରେ ଦେଖିବା ସବୁଠୁ ବଡ଼ ସୌଭାଗ୍ୟ । ଉପନିବେଶବାଦୀ ଓ ଆକ୍ରମଣକାରୀ ଦେଶକୁ ଲୁଟିବା ପୂର୍ବରୁ ଭାରତ ବିଶ୍ୱର ଅନ୍ୟତମ ସବୁଠୁ ଧନୀ ରାଷ୍ଟ୍ର ଥିଲା । ଏଗୁଡ଼ିକ ତା’ର ଅତି ନ୍ୟୁନ ଅବଶେଷ । ୧୦୦ ବର୍ଷ ପୂର୍ବେ ଭାରତରୁ କେତେ ସମ୍ପତ୍ତି ଲୁଟ୍ ହୋଇଥିଲା, ଏଥିରୁ ଅନୁମାନ କରିହୁଏ ।
