ନୂଆଦିଲ୍ଲୀ : ଏକ ଆଶ୍ଚର୍ଯ୍ୟକର ମାମଲା ଆନ୍ଧ୍ର ପ୍ରଦେଶରୁ ସାମନାକୁ ଆସିଛି। ଏଠାରେ ଜଣେ ମହିଳାଙ୍କ ପାଖକୁ ଆସିଥିବା ଏକ ପାର୍ସଲରେ ଥିଲା ଏକ ମୃତଦେହ। ମାମଲାର ସୂଚନା ପାଇବା କ୍ଷଣି ପୁଲିସ ସେଠାରେ ପହଞ୍ଚି ମୃତଦେହକୁ ଜବତ କରି , ପୋଷ୍ଟମର୍ଟମ ପାଇଁ ପଠାଇଛି। ଏବେସୁଦ୍ଧା ସ୍ପଷ୍ଟ ହୋଇ ପାରି ନାହିଁ କି, ମୃତଦେହଟି କାହାର ? ଏହାକୁ କିଏ ପାର୍ସଲରେ ପଠାଇଛି ? ମହିଳା ଜଣଙ୍କ ଘର ନିର୍ମାଣରେ ବ୍ୟବହୃତ ସାମଗ୍ରୀକୁ ଅପେକ୍ଷା କରି ଥିଲେ।
ନ୍ୟୁଜ୍- ୧୮ର ରିପୋର୍ଟ ଅନୁସାରେ ,ଘଟଣାଟି ପଶ୍ଚିମ ଗୋଦାବରୀ ଜିଲ୍ଲାର ଉନ୍ଦି ମଣ୍ଡଳର ୟେଣ୍ଡାଗାନ୍ଦୀ ଗାଁରେ ଘଟିଛି। ନାଗ ତୁଳସୀ ନାମକ ଜଣେ ମହିଳା ଘର ନିର୍ମାଣର ସାହାଯ୍ୟ ପାଇଁ କ୍ଷତ୍ରିୟ ସେବା ସମିତିକୁ ଚିଠି ଲେଖି ଥିଲେ। ଏହାପରେ ମହିଳାଙ୍କୁ ସମିତି ପକ୍ଷରୁ ଟାଇଲ୍ସ ପଠାଯାଇ ଥିଲା। ଏହାପରେ ଯେବେ ମହିଳା ପୁଣି ଥରେ ସାହାଯ୍ୟ ମାଗିଲେ, ତ ସମିତି କଥିତ ଭାବେ ଇଲେକ୍ଟ୍ରୋନିକ ଜିନିଷ ଉପଲବ୍ଧ କରାଇବାକୁ ପ୍ରତିଶ୍ରୁତି କରିଥିଲା।
ରିପୋର୍ଟ ମୁତାବିକ ,ଆବେଦକଙ୍କୁ ହ୍ୱାଟ୍ସଆପ୍ରେ ମେସେଜ୍ ମିଳିଥିଲା କି , ତାଙ୍କୁ ଲାଇଟ୍ , ପଙ୍ଖା ଓ ସ୍ୱିଚ୍ ପଠାଇ ଦିଆ ଯିବ। ଏହାପରେ ଗୁରୁବାର ରାତିରେ ଜଣେ ବ୍ୟକ୍ତି ତାଙ୍କ ଘରେ ପହଞ୍ଚିଲେ ଏବଂ ପାର୍ସଲ ଛାଡ଼ି ଚାଲି ଯାଇ ଥିଲେ। ଏହାସହ ମହିଳାଙ୍କୁ କହିଲେ କି, ପାର୍ସଲରେ ଇଲେକ୍ଟ୍ରୋନିକ ଉପକରଣ ଅଛି। ପରେ ଯେବେ ତୁଳସୀ ବକ୍ସ ଖୋଲିଲେ , ତ ସେ ଆଶ୍ଚର୍ଯ୍ୟ ହୋଇଗଲେ । ସେଥିରେ କୌଣସି ଇଲେକ୍ଟ୍ରୋନିକ ଜିନିଷ ନଥିଲା , ବଦଳରେ ବକ୍ସରେ ଥିଲା ଏକ ମୃତଦେହ।
ପରିବାର ଲୋକେ ତୁରନ୍ତ ପୋଲିସକୁ ସୂଚନା ଦେବା ପରେ ପୋଲିସ ଅଧିକାରୀ ସେଠାରେ ପହଞ୍ଚି ଥିଲେ। ମୃତଦେହକୁ ପୋଷ୍ଟମର୍ଟମ ପାଇଁ ସରକାରୀ ହସ୍ପିଟାଲକୁ ପଠାଇ ଥିଲେ। ପୋଲିସ ମାମଲା ରୁଜୁ କରି ଯାଞ୍ଚ ଆରମ୍ଭ କରିଛି। ଖବର ଆସିଛି କି, ବକ୍ସରୁ ଏକ ଚିଠି ବି ମିଳିଛି, ଯେଉଁଥିରେ ପରିବାର ଠାରୁ ୧.୩୦ କୋଟି ଟଙ୍କା ଦାବି କରାଯାଇଛି। ଏହାସହ କୁହାଯାଇଛି ଯେ, ଅର୍ଥ ନମିଳିଲେ ଗୁରୁତର ପରିଣାଣ ଭୋଗିବ।
ବର୍ତ୍ତମାନ ପୋଲିସ ପାର୍ସଲକୁ ଆଣିଥିବା ଲୋକଙ୍କୁ ଚିହ୍ନଟ କରିବାରେ ଲାଗି ପଡ଼ିଛି। ଏହାସହ ସମିତିର ପ୍ରତିନିଧିଙ୍କୁ ମଧ୍ୟ ପଚରାପଚରି ପାଇଁ ନୋଟିସ କରାଯାଇଛି। କୁହଯାଉଛି କି ମୃତଦେହଟି ଜଣେ ପୁରୁଷର , ବୟସ ପାଖାପାଖି ୪୫ ବର୍ଷ ହୋଇଥିବ । ୪-୫ଦିନ ପୂର୍ବରୁ ମୃତ୍ୟୁ ହୋଇଥିବା କୁହାଯାଇଛି।
