କେନ୍ଦୁଝର ସଦର,୨୫/୩(ଆପ୍ର)କେନ୍ଦୁଝର ବନଖଣ୍ଡ ଅନ୍ତର୍ଗତ ପଳାଶପଙ୍ଗା ମହାଦେଇଯୋଡା ପଞ୍ଚାୟତ ସଲରାପେଣ୍ଟ ଜଙ୍ଗଲରେ ୨୩ ଟିକିଆ ହାତୀପୋଲ ଡେରାପକାଇଛନ୍ତି। ସୋମବାର ଏହି ହାତୀପେଲ ବାଂଶପାଳ ବନାଞ୍ଚଳ ଅଞ୍ଚଳଦେଇ ଏଠାରେ ପ୍ରବେଶ କରିଥିଲେ।ଫଳରେ ଯେଉଁ ସ୍ଥାନଦେଇ ଚଳାଚଳ କରିଛନ୍ତି ବାଡି ବଗିଚାରେ ହୋଇଥିବା ପନିପରିବା ଓ ସୁଲା,ସୂର୍ଯ୍ୟମୁଖୀ ଫୁଲ ଚାଷ ପାଦରେ ଦଳି ନଷ୍ଟ କରିଦେଇଥିଲେ।
ପଳାଶପଙ୍ଗା ଫରେଷ୍ଟର ଜୟକୃଷ୍ଣ ଦାସ ଓ ହାତୀ ଘୋଉଡାଇବା ସ୍କ୍ବାର୍ଡ କର୍ମଚାରୀ ଘଟଣା ସ୍ଥଳରେ ପହଞ୍ଚି ହାତୀମାନଙ୍କର ଗତିବିଧି ଉପରେ ନଜର ରଖିଛନ୍ତି।ତୁରନ୍ତ କ୍ଷୟକ୍ଷତି ଆକଳନ କରି ଚାଷୀଙ୍କୁ ସହାୟତା ପ୍ରଦାନ କରାଯିବାକୁ ଦାବି ହୋଇଛି।
