କଟକ,୩।୯ : ଯୋବ୍ରା ବ୍ୟାରେଜ ଉପରୁ ମହାନଦୀକୁ ଡେଇଁଲେ ଯୁବକ। ବ୍ରିଜ ଉପରେ ଯୁବକ ଜଣକ ଚପଲ ରଖି  ହଠାତ ମହାନଦୀକୁ ଡେଇଁ ପଡିଛନ୍ତି। ସ୍ଥାନୀୟ ଲୋକମାନେ ଏହା ଦେଖି ପୋଲିସ ଓ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ  ପହଞ୍ଚି ମହାନଦୀରେ ଖୋଜାଖୋଜି  ଆରମ୍ଭ କରିଛନ୍ତି।  ଯୁବକଙ୍କ ପରିଚୟ ମିଳି ନାହିଁ। 

ସୂଚନାଯୋଗ୍ୟ ଯେ ମହାନଦୀ ବ୍ରିଜ ଉପରୁ କେହି ନା କେହି ଡେଇଁ ଆତ୍ମହତ୍ୟା କରୁଛନ୍ତି। କିଛି ଦିନ ତଳେ କଟକ ଯୋବ୍ରା ବ୍ୟାରେଜ ଉପରୁ କାମିନି ସ୍ବାଇଁ ନାମକ ଜଣେ ମହିଳା  ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ। ଅଳ୍ପ କିଛି ଦୂରରେ ଥିବା ମାଛ ଧରାଳିମାନେ ତାଙ୍କୁ  ଉଦ୍ଧାର କରି ଏସସିବି ମେଡିକାଲରେ ଭର୍ତ୍ତି କରିଥିଲେ । ସେଠାରେ  ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।  ସେହିପରି ଜଣେ ଶିକ୍ଷୟିତ୍ରୀ ନେତାଜୀ ସୁବାସ ସେତୁ ଉପରେ ସ୍କୁଟି ଥୋଇ ମହାନଦୀକୁ ଡେଇଁ ପଡି ନିଖୋଜ ରହିଛନ୍ତି।