ସମ୍ବଲପୁର,୦୬/୦୬: ବିଶ୍ୱ ପ୍ରସିଦ୍ଧ ସମ୍ବଲପୁର ଶୀତଳଷଷ୍ଠୀ ଯାତ୍ରାର ଅୟମାରମ୍ଭ । ପ୍ରାରମ୍ଭିକ ପର୍ଯ୍ୟାୟରେ ଆଜି ଅର୍ଥାତ୍ ଗୁରୁବାର ଦିନ ନନ୍ଦପଡାର ବଂ ବରାଡ ବାଲୁଙ୍କେଶ୍ୱର ବାବାଙ୍କ ତପରପେଣ୍ଡି ବା ନିର୍ବନ୍ଧ କାର୍ଯ୍ୟକ୍ରମ ମହାସମାରୋହରେ ଅନୁଷ୍ଠିତ ହେବ । ସନ୍ଧ୍ୟାରେ ନନ୍ଦପଡାର ବଂ ବରାଡ ବାଲୁଙ୍କେଶ୍ୱର ବାବାଙ୍କ ପତରପେଣ୍ଡି ପାଇଁ ମନ୍ଦିରରେ ସ୍ୱତନ୍ତ୍ର ପୂଜାର୍ଚ୍ଚନା କରାଯିବ । ମନ୍ଦିର ପୂଜକ ଲକ୍ଷପତି ମହାପାତ୍ର ଏବଂ ବିବାହ ପୂଜକ ଶଶାଙ୍କ ଶେଖର ମିଶ୍ରଙ୍କ ପୌରୋହିତ୍ୟରେ ବରପିତା ରାମଚରଣ ମିଶ୍ର ମହାଦେବଙ୍କ ନିକଟରେ ଆଳତୀ କରିବେ । ଏହାପରେ ଏକ ସୁସଜ୍ଜିତ ରଥ ବା ବିମାନରେ ବରପିତା ବିରାଟ ଶୋଭାଯାତ୍ରା ସହ କନ୍ୟା ଅନ୍ୱେଷଣରେ ବାହାରିବେ । ଚଳିତ ବର୍ଷ କନ୍ୟା ପିତାମାତ ଭାବରେ ଚାରଭାଟିର ସୁମନ୍ତ ପଣ୍ଡା ଓ ନିତିପ୍ରିୟା ଦେବୀ ସୌଭାଗ୍ୟ ଅର୍ଜନ କରିଛନ୍ତି । ବରପିତାଙ୍କ ସହ ସାଥିରେ ସପ୍ତଋଷୀ ଘଣ୍ଟ, ଘଣ୍ଟା, ଦୁଲଦୁଲି, ଧମାଲ ବାଦ୍ୟ ନେଇ ଏକ ବିରାଟ ଶୋଭାଯାତ୍ରା ନନ୍ଦପଡାରୁ ବାହାରିବେ ।
ଓଡ଼ିଶା ବିଧାନସଭାର ନୂଆ ବାଚସ୍ପତି ସୁରମା ପାଢୀ, ସର୍ବସ...