ଭୁବନେଶ୍ବର, ୨୪। ୭ : ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡିଲେ ପାଟଣାଗଡ଼ ଆରଡବ୍ଲୁ ସବଡିଭିଜନ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ସୁଜିତ କୁମାର ପାଢୀ। ଜଣେ ଠିକାଦାରଙ୍କ ଠାରୁ ଲାଞ୍ଚ ନେବା ବେଳେ ଧରାପଡିଛନ୍ତି।
ଠିକାଦାର ଜୟନ୍ତ ମେହେର ପାଟଣାଗଡ଼ ବ୍ଲକ ବର୍ଥଲା ଆରଆଇ ଅଫିସ ତିଆରି କରିଥିବାରୁ ବିଲ ପାଇ ବାରମ୍ବାର କହିଆସୁଥିଲେ। ତେବେ ବିଲ ପାସ କରିବା ପାଇଁ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ଯନ୍ତ୍ରୀ ସୁଜିତ ଏକ ଲକ୍ଷ ଟଙ୍କା ଦାବି କରିଥିଲେ। ଜୟନ୍ତ ୫୦ ହଜାର ଟଙ୍କା ଦେଇଥିଲେ। ତେବେ ବାକି ଟଙ୍କା ନ ମିଳିବାରୁ ସୁଜିତ ବିଲ୍ ପାସ କରି ନ ଥଲେ। ଏ ନେଇ ଜୟନ୍ତ ଭିଜିଲାନ୍ସର ଦ୍ବାରସ୍ଥ ହୋଇଥିଲେ। ଆଜି କାର୍ଯ୍ୟାଳୟରେ ୫୦ ହଜାର ଟଙ୍କା ନେଉଥିବା ବେଳେ ଭିଜଲାନ୍ସ ଟିମ୍ ମାଡି ବସିଥିଲେ। ପରେ ଯନ୍ତ୍ରୀଙ୍କୁ ଭିଜିଲାନ୍ସ ବଲାଙ୍ଗିର କାର୍ଯ୍ୟାଳୟ କୁ ନେଇ ଅଧିକ ତଦନ୍ତ ଜାରି ରଖିଛି ।