ବଲାଙ୍ଗୀର,୨୨।୮ : ୱାରେଣ୍ଟିମାନଙ୍କୁ ଧରିବାକୁ ଯାଇଥିବା ବେଳେ ବଲାଙ୍ଗୀର ତୁଷୁରା ଥାନା ଆଇଆଇସି ଓ କନେଷ୍ଟବଳଙ୍କୁ ସଂଘବଦ୍ଧ ଆକ୍ରମଣ ହୋଇଛି। ଏଥିରେ ତୁଷୁରା ଥାନା ଅଧିକାରୀ ଶଶୀଭୂଷଣ ମିଶ୍ର ଓ କନେଷ୍ଟବଳ ଅରୁଣ ଜେନା ଆହତ ହୋଇଛନ୍ତି।
ତୁଷୁରା ଥାନା ଅଧିକାରୀ ଶଶୀଭୂଷଣ ମିଶ୍ର ଓ କନେଷ୍ଟବଳ ଅରୁଣ ଜେନା ଓ୍ବାରେଣ୍ଟିମାନଙ୍କୁ ଧରିବାକୁ ଯାଇଥିଲେ। ବଲାଙ୍ଗୀର ଦେଓଗାଁ ଥାନା ଅନ୍ତର୍ଗତ ସୋନଗଡ଼ ନଦୀ ଉପରେ ସେମାନଙ୍କ ଉପରେ ସଂଘବଦ୍ଧ ଆକ୍ରମଣ ହୋଇଛି । ଏଥିରେ ଆଇଆଇସି ଆହତ ହୋଇଥିବା ବେଳେ କନେଷ୍ଟବଳ ଅରୁଣ ଗୁରୁତର ହୋଇଛନ୍ତି। ଅରୁଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।