ସନ୍ଦେହ ଘେରରେ ବଲାଙ୍ଗୀର ପୋଲିସ ଭୂମିକା । ଜେଲରେ ରେଡ୍ ସମୟରେ ସୁଶାନ୍ତ ଧଳସାମନ୍ତ ସେଲରୁ ମିଳିଲା ସ୍ମାର୍ଟଫୋନ୍ । ତେବେ ଦୁଇଦିନ ତଳେ ରେଡ୍ ସମୟରେ ଏହି ମୋବାଇଲଟି ମିଳିଥିବା ବେଳେ ରବିବାର ଏନେଇ ପୋଲିସ ସୂଚନା ଦେଇଛି । ଗତ ୨୩ ତାରିଖରେ ବଲାଙ୍ଗିର ଜେଲରେ ବଡ଼ ଧରଣର ରେଡ୍ ହୋଇଥିଲା ।  ସେହି ଦିନ ସନ୍ଧ୍ୟା ସମୟରେ ଉତ୍ତରାଞ୍ଚଳ ଆଇଜି ବଲାଙ୍ଗୀର ଗସ୍ଥ କରିଥିଲେ । 

ତେବେ ଗତ ୨୩ ତାରିଖ ସକାଳେ ବଲାଙ୍ଗିର ଏସପି ୨ ପ୍ଲାଟୁନ ଫୋର୍ସ, ୯ ଜଣ ଅଫିସର ସହ ମାଜିଷ୍ଟ୍ରେଟଙ୍କ ଉପସ୍ଥିତିରେ ଜେଲରେ ସକାଳ ୬ ଟା ୩୦ରୁ ରେଡ୍ ଆରମ୍ଭ କରିଥିଲେ । ଏନେଇ ଜେଲ ଭିତରେ ଦୀର୍ଘ ୨ ଘଣ୍ଟାର ସର୍ଚ୍ଚ ଅପରେସନ୍ ଚାଲିଥିଲା । ଡାଇନିଂଠାରୁ ଆରମ୍ଭ କରି କିଚେନ୍ ସମସ୍ତ ୱାର୍ଡରେ ତନାଘନା ସହ ସେଲ୍ଗୁଡ଼ିକୁ ଯାଞ୍ଚ କରିଥିଲେ ପୋଲିସ । ଏହି ସମୟରେ ତମ୍ବାଖୁ , ଭାଙ୍ଗ ,ଗୁଟଖା, ବିଡ଼ି, ସିଗାରେଟ୍, ଲାଇଟର ସହ ମାଦକ ଦ୍ରବ୍ୟ ବାହାରିଥିଲା, ହେଲେ ମୋବାଇଲ ବାହାରିବା କଥା ସାମ୍ନାକୁ ଆଣିନଥିଲେ ବଲାଙ୍ଗୀର ଏସପି । ତେବେ ପରବର୍ତ୍ତୀ ସମୟରେ କାହିଁକି ପୋଲିସ ମୋବାଇଲ କଥା ଉଠାଇଲା ତାହା ସନ୍ଦେହଜନକ । ବର୍ତ୍ତମାନ ସୁଶାନ୍ତଙ୍କ ଧଳକଟକରେ ଚିକିତ୍ସିତ ହେଉଥିବା ବେଳେ ତା’ ର ସେଲ ଖାଲି ପଡ଼ିଛି । ଏହି ମୋବାଇଲଟି ସେହି ସେଲ୍ରୁ ମିଳିଥିବା ସୂତ୍ରରୁ ଜଣାପଡ଼ିଛି ।