ଦୁବାଇ: ଚାମ୍ପିଅନ୍ସ ଟ୍ରଫି ଫାଇନାଲ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଉଛି । ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ମଧ୍ୟ ମ୍ୟାଚ୍ ଦେଖିବାକୁ ପହଞ୍ଚିଛନ୍ତି । ତାଙ୍କୁ ଜଣେ ରହସ୍ୟମୟୀ ଯୁବତୀଙ୍କ ସହିତ ବସିଥିବାର ଦେଖାଯାଇଛି । ଏହା ପରେ ଫଟୋଟି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଷ୍ଟାଡିୟମରେ ଚହଲଙ୍କ ସହ ବସିଥିବା ସେହି ଯୁବତୀଜଣଙ୍କ କିଏ ତାହା ଜାଣିବାକୁ ପ୍ରଶଂସକମାନେ ଆଗ୍ରହ ପ୍ରକାଶ କରିଛନ୍ତି ।
ସେପଟେ ୟୁଜବେନ୍ଦ୍ର ଚହଲ ପତ୍ନୀ ଧନଶ୍ରୀ ବର୍ମାଙ୍କୁ ଖୁବଶୀଘ୍ର ଛାଡପତ୍ର ଦେଇପାରନ୍ତି । ଦୁଇ ଜଣ ଖୁବଶୀଘ୍ର ଅଲଗା ହେବାକୁ ଥିବା ବେଳେ ଚହଲଙ୍କ ସହ ଅନ୍ୟ ଜଣେ ଯୁବତୀଙ୍କୁ ଦେଖିବାକୁ ମିଳିଛି । ତେବେ ୟୁଜବେନ୍ଦ୍ର ଚହଲ କେଉଁ ଯୁବତୀଙ୍କ ସହିତ ବସିଛନ୍ତି, ସେ ତାଙ୍କ ପ୍ରେମିକା ନା ବନ୍ଧୁ ? ସୋସିଆଲ ମିଡିଆରେ ପ୍ରଶଂସକମାନେ ଏପରି ପ୍ରଶ୍ନ ପଚାରୁଛନ୍ତି ।
Yuzvendra Chahal in the stands for CT Final. pic.twitter.com/uJXZAGKJ9b
— Mufaddal Vohra (@mufaddal_vohra) March 9, 2025
Yuzvendra Chahal in the stands for CT Final. pic.twitter.com/uJXZAGKJ9b
— Mufaddal Vohra (@mufaddal_vohra) March 9, 2025
ସୋସିଆଲ ମିଡିଆ ୟୁଜର୍ସଙ୍କ ଅନୁସାରେ, ଧନଶ୍ରୀ ବର୍ମାଙ୍କ ଠାରୁ ଛାଡପତ୍ର ନେବାକୁ ଥିବା ଚହଲ ପୁଣି ଥରେ ପ୍ରେମରେ ପଡ଼ିଛନ୍ତି ଏବଂ ସେ ଏହି ଯୁବତୀଙ୍କୁ ଡେଟ୍ କରୁଛନ୍ତି । ସୂଚନାଯୋଗ୍ୟ ଯେ, ୟୁଜବେନ୍ଦ୍ର ଚହଲଙ୍କ ସହିତ ଗ୍ୟାଲେରିରେ ବସିଥିବା ଯୁବତୀ ଜଣେ ଲୋକପ୍ରିୟ YouTuber, ଯିଏ ଜଣେ ରେଡିଓ ଜକି ମଧ୍ୟ । ତାଙ୍କ ନାମ ଆରଜେ ମହୱାସ୍ । ତାଙ୍କୁ ପୂର୍ବରୁ ମଧ୍ୟ ୟୁଜବେନ୍ଦ୍ର ଚହଲଙ୍କ ସହିତ ଦେଖିବାକୁ ମିଳିଥିଲା ।
ଏହି ଦୁଇଜଣଙ୍କ ଏକାଠି ଫଟୋ ପୂର୍ବରୁ ଭାଇରାଲ ହୋଇଥିଲା । ସେତେବେଳେ ଲୋକମାନେ ଅନୁମାନ କରିଥିଲେ ଯେ, ଧନଶ୍ରୀ ବର୍ମାଙ୍କଠାରୁ ଛାଡ଼ପତ୍ର ନେବାକୁ ଥିବା ଚହଲ ଆରଜେ ମହୱାସଙ୍କୁ ଡେଟ୍ କରୁଛନ୍ତି । ସେପଟେ ମହୱାସ୍ ତାଙ୍କ ଇନଷ୍ଟାଗ୍ରାମରେ ଏହି ଦାବିକୁ ଖଣ୍ଡନ କରିଥିଲେ ।
