ନୂଆଦିଲ୍ଲୀ, ୯/୩ : ଟିମ୍ ଇଣ୍ଡିଆର ଷ୍ଟାର୍ କ୍ରିକେଟର ବିରାଟ କୋହଲୀ ଜଣେ ଦକ୍ଷ ବ୍ୟାଟର ହେବା ସହ ପାରିବାରିକ ବ୍ୟକ୍ତି ରୂପରେ ବି ପ୍ରସିଦ୍ଧ ଅଟନ୍ତି । ଖେଳ ପଡ଼ିଆରେ ତାଙ୍କୁ ବହୁ ଥର ନିଜ ସ୍ତ୍ରୀଙ୍କ ପ୍ରତି ଥିବା ଭଲପାଇବା ଦେଖାଉଥିବାର ଦେଖାଯାଇଥାଏ । ଏଭଳି ଏକ ରୋମାଣ୍ଟିକ ମୂହୁର୍ତ୍ତ ଚାମ୍ପିୟନ୍ସ ଟ୍ରଫିର ଫାଇନାଲ୍ ମ୍ୟାଚରେ ବି ଦେଖିବାକୁ ମିଳିଛି । ଦୁବାଇରେ ମ୍ୟାଚ୍ ଆରମ୍ଭ ହେବା ପୂର୍ବରୁ କୋହଲୀ ମୈଦାନରେ ହାତ ହଲାଇ ଅନୁଷ୍କାଙ୍କ ଅଭିବାଦନ କରିଛନ୍ତି । ଯାହାର ରିପ୍ଲାଇରେ ସେ ବି ହସୁଥିବା ନଜର ଆସୁଛନ୍ତି ଏବଂ ସ୍ବାମୀଙ୍କୁ ଫାଇନାଲ୍ ଲାଗି ହାତ ହଲାଇ ଶୁଭକାମନା ଦେଉଛନ୍ତି ।
ଜାରି ରହିଥିବା ଟୁର୍ଣ୍ଣାମେଣ୍ଟରେ ବିରାଟ କୋହଲୀଙ୍କ ବ୍ୟାଟ୍ ଧୁମ୍ ଚାଲୁଛି । ତାଙ୍କ ବ୍ୟାଟର ଯାଦୁ ଏଥିରୁ ଜଣାପଡ଼ୁଛି କି ସେ ୪ଟି ପାଳିରେ ୨୧୭ରନ୍ ବାହାର କରିଛନ୍ତି । ସେହିଭଳି ଦୁଇଟି ମ୍ୟାଚରେ ସେ ପାକିସ୍ତାନ ଏବଂ ଅଷ୍ଟେ୍ରଲିଆ ବିପକ୍ଷରେ ବିଜୟ ଦେବାରେ ମୁଖ୍ୟ ଭୂମିକା ଗ୍ରହଣ କରିଥିଲେ ।
ବିରାଟ କୋହଲୀ ପାକିସ୍ତାନ ବିପକ୍ଷରେ ନଟ୍ ଆଉଟ୍ ୧୦୦ରନର ପାଳି ଖେଳିଥିଲେ । ଯାହାକି ଅଷ୍ଟେ୍ରଲିଆ ବିପକ୍ଷରେ ସେମିଫାଇନାଲ ମ୍ୟାଚରେ ୮୪ରନ ପାଳି ଖେଳିଥିଲେ।
