ନୂଆଦିଲ୍ଲୀ,୧୦ /୦୩ : ଆଇସିସି ଚାମ୍ପିଅନ୍ସ ଟ୍ରଫିରେ ବାଜି ମାରି ନେଇଛି ଭାରତ । ନ୍ୟୁଜିଲାଣ୍ଡକୁ ୪ ୱିକେଟରେ ହରାଇ ୧୨ ବର୍ଷ ପରେ ଚାମ୍ପିଅନ୍ସ ଟ୍ରଫି ଜିତିଛି ଟିମ୍ ଇଣ୍ଡିଆ । ଭାରତର ଏହି ବିଜୟ ପଛରେ ମୁଖ୍ୟ କୋଚ୍ ଗୌତମ ଗମ୍ଭୀରଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଛି । ଟିମ୍ ଇଣ୍ଡିଆର ବିଜୟରେ ବଡ ଫ୍ୟାକ୍ଟର ସାଜିଥିଲେ ଗମ୍ଭୀର । କାମ ଦେଇଥିଲା ତାଙ୍କ ଚାଣକ୍ୟ ନୀତି । ଆସନ୍ତୁ ଜାଣିବା ଚାମ୍ପିଅନ୍ସ ଟ୍ରଫି ପାଇଁ କଣ ଥିଲା ତାଙ୍କ ପ୍ଲାନ୍ ?
ହେଡ୍ କୋଚ୍ ଗୌତମ ଗମ୍ଭୀରଙ୍କ ରଣନୀତି ସ୍ବତନ୍ତ୍ର । ଭାରତର ଗତ ଶ୍ରୀଲଙ୍କା ଗସ୍ତରେ ଦଲରେ ପରିବର୍ତ୍ତନ ନେଇ ସଂଙ୍କେତ ଦେଇଥିଲେ । ବୋଲିଂ ବ୍ୟାଟିଂ ସବୁଥିଲେ ଗମ୍ଭୀର ଥିଲେ ଗୌତମ । ଶ୍ରୀଲଙ୍କା ବିପକ୍ଷ ଗୋଟିଏ ମ୍ୟାଚରେ ପାଖାପାଖି ୬ ପ୍ଲେୟାରଙ୍କୁ ପରଖି ଥିଲେ । ଚାମ୍ପିଅନ୍ସ ଟ୍ରଫି ପାଇଁ ମଧ୍ୟ ସେ ବୋଲଙ୍କ ଉପରେ ଅଧିକ ଭରସା କରିଥିଲେ । ଫାଇନାଲ ମ୍ୟାଚ ପରେ ସେ କହିଥିଲେ ,'' ବ୍ୟାଟ୍ସମ୍ୟାନ ମ୍ୟାଚ ଜିତାନ୍ତି ମାତ୍ର ବୋଲର ଟୁର୍ଣ୍ଣାମେଣ୍ଟରେ ବିଜୟୀ କରାନ୍ତି ।''
ଗେମ୍ ଚେଞ୍ଜର ବରୁଣ- ବରୁଣ ଚକ୍ରବର୍ତ୍ତୀ ଇଣ୍ଟରନ୍ୟାସନାଲ ଡେବ୍ୟୁ ପରେ ଟିମ୍ ଇଣ୍ଡିଆ ଅଧିକ ମଜବୁତ ହୋଇଥିଲା । ଗମ୍ଭୀର ମୁଖ୍ୟ କୋଚ୍ ହେବା ପରେ ବରୁଣ ଭାରତୀୟ ଦଳରେ ସାମିଲ ହୋଇଥିଲେ । ଚାମ୍ପିଅନ୍ସ ଟ୍ରଫିର ୩ଟି ମ୍ୟାଚ ଖେଳି ୯ ୱିକେଟ ନେଇଛନ୍ତି । ଭାରତ ବିଜୟରେ ବରୁଣ ଗେମ୍ ଚେଞ୍ଜର ସାବ୍ୟସ୍ତ ହୋଇଥିଲେ ।
ସ୍ପିନର ଜାଲ ବିଛାଇଲେ ଗମ୍ଭୀର- ଟିମ୍ ଇଣ୍ଡିଆ ଚାମ୍ପିଅନ୍ସ ଟ୍ରଫି ୨୦୨୫ରେ ଅଧିକ ସ୍ପିନରଙ୍କୁ ଭରସା କରିଥିଲା । ବରୁଣ ଚକ୍ରବର୍ତ୍ତୀଙ୍କ ସହିତ କୂଳଦୀପ ଯାଦବ, ରବୀନ୍ଦ୍ର ଜାଡେଜା ଗୁରୁତ୍ବପୂର୍ଣ୍ଣ ଭୂମିକା ତୁଲାଇଥିଲେ । ବରୁଣ ଟୁର୍ଣ୍ଣାମେଣ୍ଟରେ ୯ ୱିକେଟ ହାସଲ କରିଥିଲେ । କୂଳଦୀପ ୫ମ୍ୟାଚରେ ୭ଟି ୱିକେଟ ନେଇଥିବା ଜାଡେଜା ୫ଟି ସଫଳତା ହାସଲ କରିଥିଲେ । ଫାଇନାଲ ମ୍ୟାଚରେ ସ୍ପିନରଙ୍କର ଗୁରୁତ୍ବପୂର୍ଣ୍ଣ ଭୂମିକା ଥିଲା ।
ଅଧିକ ପଢନ୍ତୁ...ଫ୍ୟାନ୍ସଙ୍କ ପାଇଁ ଖୁସି ଖବର; ଅବସର ନେବାର ଯୋଜନା ନାହିଁ କହିଲେ ରୋହିତ
ଅକ୍ଷରଙ୍କ ବ୍ୟାଟିଂ ଅର୍ଡରରେ ପରିବର୍ତ୍ତନ- ଅକ୍ଷର ପଟେଲ ଟିମ୍ ଇଣ୍ଡିଆ ପାଇଁ ବୋଲିଂ ସହ ବ୍ୟାଟିଂରେ ମଧ୍ୟ ସହଯୋଗ କରିଥିବା ଦେଖିବାକୁ ମିଳିଥିଲା । ଫାଇନାଲ ମ୍ୟାଚରେ ନ୍ୟୁଜିଲାଣ୍ଡ ବିପକ୍ଷରେ ୨୯ରନ ଉପଯୋଗୀ ଇନିଂସ ଖେଳିଥିଲେ । ଅଷ୍ଟ୍ରେଲିଆ ବିପକ୍ଷ ସେମିଫାଇନାଲରେ ୨୭ ଓ ଲିଗ୍ ମ୍ୟାଚରେ ନ୍ୟୁଜିଲାଣ୍ଡ ବିପକ୍ଷରେ ୪୨ରନ କରିଥିଲେ । ସେମିରେ ଓ ଫାଇନାଲରେ ୫ ନମ୍ବରରେ ବ୍ୟାଟିଂ କରି ଗୁରୁତ୍ବପୂର୍ଣ୍ଣ ଭୂମିକା ତୁଲାଇଥିଲେ ଅକ୍ଷର । ତାଙ୍କ ବ୍ୟାଟିଂ ଅର୍ଡରରେ ପରିବର୍ତ୍ତନ କରିବା କୋଚ୍ ଗମ୍ଭୀରଙ୍କ ରଣନୀତି ମଧ୍ୟରେ ରହିଥିଲା ।
