ଫିରିଙ୍ଗିଆ, ୩୧ l ୭ : ସରୁକୋଇ ଘାଟିରେ ଏକ ବାଇକ ଦୁର୍ଘଟଣାଗସ୍ତ ହେବାରୁ ଜଣେ ଯୁବକ ଗୁରୁତର ହୋଇଛି। ଗୁରୁତର ଯୁବକଙ୍କୁ ଫିରିଙ୍ଗିଆ ମେଡିକାଲ ଓ ପରେ ଫୁଲବାଣୀ ମେଡିକାଲକୁ ସ୍ଥାନାନ୍ତର କରାଯାଇଛି। ଗୁରୁତର ଯୁବକ ଜଣକ ହେଲେ ଡଙ୍ଗରିକିଆ ଗାଁର ଦେବାଶିଷ କହଁର  (୨୬) ।

ଡଙ୍ଗରିକିଆ ଗାଁର ଦେବାଶିଷ କହଁର  କୌଣସି ଏକ କାମରେ  ଫୁଲବାଣୀ   ବାଇକରେ ଯାଇ ଫେରୁଥିଲେ l ରାତି ପ୍ରାୟ ଆଠଟା ସମୟରେ  ସରୁକୋଇ ଘାଟିରେ ବାଇକଟି ଦୁର୍ଘଟଣାଗସ୍ତ ହୋଇଥିଲା।  ଦୁର୍ଘଟଣା ଖବର  ସ୍ଥାନୀୟ ଲୋକମାନେ  ଫିରିଙ୍ଗିଆ ଟିମ ହ୍ୟୁମାନୀଟି ସଦସ୍ୟ ସଞ୍ଜୟ କୁମାର ଦିଗାଲଙ୍କୁ ଜଣାଇଥିଲେ।  ତୁରନ୍ତ ଘଟଣା ସ୍ଥଳରେ  ସଞ୍ଜୟ ପହଞ୍ଚି ଗୁରୁତର ଆହତ ହୋଇଥିବା ଦେବାଶିଷଙ୍କୁ ଏକ ଅଟୋ ସାହାଯ୍ୟରେ ଫିରିଙ୍ଗିଆ ମେଡିକାଲରେ ଭର୍ତ୍ତି କରିଥିଲେ।  ଫିରିଙ୍ଗିଆ ମେଡିକାଲରୁ ଗୁରୁତର ଅବସ୍ଥାରେ ଫୁଲବାଣୀ ମେଡିକାଲକୁ  ଯୁବକଙ୍କୁ ସ୍ଥାନାନ୍ତର କରାଯାଇଛି l 

ଅନୁରୂପ ଭାବରେ ଫିରିଙ୍ଗିଆ ବଜାର ବାଣିଜ୍ୟ ଭଣ୍ଡାର ଛକରେ ଜଣେ ଅସହାୟ ବୃଦ୍ଧ ରାସ୍ତା କଡରେ ପଡ଼ି ରହିଥିଲା। ସଞ୍ଜୟଙ୍କୁ ଘଟଣା ବିଷୟରେ ଖବର ମିଳିବା ପରେ  ଦମକଳ  ବାହିନୀ ସହାୟତାରେ ଫିରିଙ୍ଗିଆ ମେଡିକାଲରେ  ଭର୍ତ୍ତି କରିଥିଲେ l ଫିରିଙ୍ଗିଆ ଅଞ୍ଚଳରେ ବିଭିନ୍ନ ସମୟରେ ସଞ୍ଜୟଙ୍କ ଏପରି ସହଯୋଗକୁ ଅଞ୍ଚଳ ବାସୀ ପ୍ରଶଂସା କରିଛନ୍ତି।