ଦଶପଲ୍ଲା, ୩୦।୫ : ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ଟାକରା ଗ୍ରାମପଞ୍ଚାୟତ ବୁଗୁଡ଼ା କଲେଜ ସାମ୍ନା ବିଶ୍ରାମାଗାର ଗୃହରୁ ଜଣେ ଅଜଣା ବୃଦ୍ଧଙ୍କ ମୃତଦେହ ଉଦ୍ଧାର ହୋଇଛି। ଶୁକ୍ରବାର ସକାଳେ ଟିପିସିଓଡିଏଲ୍ କଲେକ୍ସନ୍ ଏଜେଣ୍ଟ ସନ୍ତୋଷ କୁମାର ତ୍ରୀପାଠୀ ମୃତଦେହ ଦେଖି ଗାଁ ଛକରେ କହିଥିଲେ। ଏହାପରେ ଗ୍ରାମବାସୀ ଘଟଣାସ୍ଥଳରେ ପହଞ୍ଚି ବୃଦ୍ଧଙ୍କ ମୃତଦେହ ଉଦ୍ଧାର କରିଥିଲେ।
ସୂଚନାନୁଯାୟୀ, ମୃତ ବୃଦ୍ଧ ଜଣଙ୍କ କିଛିଦିନ ଧରି ଟାକରା ଅଞ୍ଚଳରେ ମାଗିଯାଚି ଖାଇ ବୁଗୁଡ଼ା କଲେଜ ସାମ୍ନା ବିଶ୍ରାମଗୃହରେ ରହୁଥିଲେ। ବୃଦ୍ଧ ଜଣଙ୍କର ଏବେ ମୃତ୍ୟୁ ଘଟିଛି। ଟିପିସିଓଡିଏଲ୍ କଲେକ୍ସନ୍ ଏଜେଣ୍ଟ ସନ୍ତୋଷ କୁମାର ତ୍ରୀପାଠୀ ମୃତଦେହ ଦେଖି ଗାଁ ଛକରେ କହିଥିଲେ। ଏହାପରେ ଗ୍ରାମବାସୀ ଘଟଣାସ୍ଥଳରେ ପହଞ୍ଚି ବୃଦ୍ଧଙ୍କ ମୃତଦେହ ଉଦ୍ଧାର କରିଛନ୍ତି। ଘଟଣାସ୍ଥଳରେ ଦଶପଲ୍ଲା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
