ନୂଆଦିଲ୍ଲୀ ୧୧/୦୭: ପ୍ରତି ବର୍ଷ ଜୁଲାଇ ୧୧ ତାରିଖରେ ପାଳିତ ହୁଏ ବିଶ୍ୱ ଜନସଂଖ୍ୟା ଦିବସ । ବିଶ୍ୱ ଜନସଂଖ୍ୟାରେ ଦ୍ରୁତ ବୃଦ୍ଧି ବିଭିନ୍ନ ପ୍ରକାର ଆହ୍ୱାନ ଓ ସମସ୍ୟା  ସାମ୍ନାକୁ ଆଣୁଛି । ଦାରିଦ୍ର‌୍ୟ, ଆର୍ଥିକ ଚିନ୍ତା,  ସ୍ୱାସ୍ଥ୍ୟ ସମସ୍ୟା ଭଳି ବିଷୟ ଜନସଂଖ୍ୟା ବୃଦ୍ଧି  ଦ୍ୱାରା ପ୍ରଭାବିତ ହେଉଛି । ଏ ସମସ୍ତ ବିଷୟର  ସମାଧାନ ଦିଗରେ କାମ କରିବାକୁ ଏବଂ ବିଶ୍ୱରେ ସମସ୍ତଙ୍କର ଉତ୍ତମ ଭବିଷ୍ୟତ ପାଇଁ  ପ୍ରୟାସ ଲାଗି ଧ୍ୟାନ ଦେବାକୁ ଏହି ଦିବସ ଜୋର  ଦିଏ । ବିଶ୍ୱ ଜନସଂଖ୍ୟା ବିଷୟରେ ଏବଂ ଏ  ସମ୍ପର୍କିତ ଆହ୍ୱାନଗୁଡ଼ିକ ବିଷୟରେ ଲୋକଙ୍କୁ  ସଚେତନ ଓ ଶିକ୍ଷିତ କରିବା ଏହି ଦିବସ  ପାଳନର ଉଦ୍ଦେଶ୍ୟ । ଏ ବର୍ଷର ଥିମ୍ ରହିଛି 'To Leave No One Behind, Count Everyone'।

୧୯୮୭ ମସିହା, ଜୁଲାଇ  ୧୧ ତାରିଖରେ ବିଶ୍ୱ ଜନସଂଖ୍ୟା ୫୦୦ କୋଟି  ପହଞ୍ଚିବା ପରେ ଡ. କେସି ଜାଚାରିୟାଙ୍କ ପ୍ରୟାସ  ଓ ପ୍ରସ୍ତାବ କ୍ରମେ ୧୯୮୯ ମସିହାରେ ଜାତିସଂଘ  ଦ୍ୱାରା ଏହି ଦିବସ ପ୍ରତିଷ୍ଠା ହୋଇଥିଲା ।