ପୁଣେ, ୨୮।୧୦: ୨୦୨୪ମହାରାଷ୍ଟ୍ର ନିର୍ବାଚନରେ ହେବ ଦମଦାର ଲଢ଼େଇ । ମହାରାଷ୍ଟ୍ର ନିର୍ବାଚନ ୨୦୨୪ ପାଇଁ ଶିବସେନା ୨୦ ଜଣିଆ ପ୍ରାର୍ଥୀଙ୍କର ଦ୍ୱିତୀୟ ତାଲିକା ଜାରି କରିଛି । ଶିବସେନା ଦଳ ନେତା ଉଦ୍ଧବ ଠାକରେଙ୍କ ପୁଅ ଆଦିତ୍ୟ ଠାକରେଙ୍କ ବିରୁଦ୍ଧରେ ଲଢ଼ିବେ ଏକନାଥ ସିନ୍ଦେଙ୍କ ନେତୃତ୍ୱାଧୀନ ଶିବସେନାର ମିଲିନ୍ଦ ଦେଓରା । ଓର୍ଲି ଆସନରୁ ଦେଓରାଙ୍କୁ ଟିକେଟ ଦେଇଛନ୍ତି ଏକନାଥ ସିନ୍ଦେ । ରାଜ୍ୟସଭା ସାଂସଦ ଥିବା ଦେଓରା କଂଗ୍ରେସ ଛାଡ଼ି ଚଳିତ ବର୍ଷ ଆରମ୍ଭରେ ଏକନାଥ ସିନ୍ଦେ ନେତୃତ୍ୱାଧୀନ ଶିବସେନାରେ ଯୋଗ ଦେଇଥିଲେ । ୨୦୨୪ର ଆରମ୍ଭରେ ସେ କଂଗ୍ରେସ ଛାଡ଼ି ଏକନାଥ ସିନ୍ଦେଙ୍କ ଶିବସେନାରେ ସାମିଲ ହୋଇଥିଲେ । ଶିବସେନା (ୟୁବିଟି) ମୁଖ୍ୟ ଉଦ୍ଧବ ଠାକରେଙ୍କ ପୁଅ ଆଦିତ୍ୟ ଠାକରେ ୨୦୧୯ରେ ଏହି ନିର୍ବାଚନମଣ୍ଡଳୀରେ ବିଜୟୀ ହୋଇ ବର୍ତ୍ତମାନର ବିଧାୟକ ଅଛନ୍ତି । ୨୦୨୪ ଲୋକସଭା ନିର୍ବାଚନ ସମୟରେ ଦେଓରାଙ୍କୁ ୱର୍ଲି ନିର୍ବାଚନମଣ୍ଡଳୀ ଦାୟିତ୍ୱ ଦିଆଯାଇଥିଲା । ବର୍ତ୍ତମାନ ତାଙ୍କୁ ଏହି ଆସନରୁ ବିଧାୟକ ଟିକେଟ୍ ମିଳିଛି ।
ଦେଓରାଙ୍କ ବ୍ୟତୀତ ଅନ୍ୟ ୧୯ ଜଣଙ୍କୁ ଟିକେଟ୍ ମିଳିଛି, ଯେଉଁଥିରେ ସଞ୍ଜୟ ନିରୁପମଙ୍କୁ ଡିଣ୍ଡୋଶୀ ଆସନରୁ ପ୍ରାର୍ଥୀ କରାଯାଇଛି । ବିଜେପି ସାଂସଦ ନାରାୟଣ ରାଣେଙ୍କୁ କୁଡାଲ ସିଟରୁ ଟିକେଟ ମିଳିଥିଲା । ପୂର୍ବତନ ବିଜେପି ନେତା ମୂରଜୀ ପଟେଲଙ୍କୁ ମୁମ୍ବାଇର ଅନ୍ଧରୀ ଇଷ୍ଟ ସିଟ୍ର ପ୍ରାର୍ଥୀ କୁହାଯାଇଛି । ଅନ୍ୟପଟେ ବିଜେପି ସାଂସଦ ନାରାୟଣ ରାଣେଙ୍କ ପୁଅ ନୀଲେଶ ରାଣେ କୁଦାଲ ନିର୍ବାଚନମଣ୍ଡଳୀରୁ ଟିକେଟ୍ ମିଳିଛି । ମହାରାଷ୍ଟ୍ର ବିଧାନସଭା ନିର୍ବାଚନରେ ଉଦ୍ଧବ ଠାକରେଙ୍କ ଶିବସେନା, କଂଗ୍ରେସ ଓ ଶରଦ ପାୱାରଙ୍କ ଏନସିପିର ମହାବିକାଶ ଅଗାଡ଼ି ମିଳିତ ମଞ୍ଚ ଏବଂ ବିଜେପି, ଏକନାଥ ସିନ୍ଦେଙ୍କ ଶିବସେନା, ଅଜିତ୍ ପାୱାରଙ୍କ ଏନସିପିର ମିଳିତ ମଞ୍ଚ ମହାୟୁତି ମଧ୍ୟରେ କଡ଼ା ଟକ୍କର ହେଉଛି । ରାଜ୍ୟର ସମସ୍ତ ୨୮୮ ଆସନରେ ଆସନ୍ତା ୨୦ ତାରିଖରେ ଭୋଟ ହେବ । ୨୩ରେ ଭୋଟ୍ ଗଣତି ସହ ଫଳାଫଳ ପ୍ରକାଶ ପାଇବ ।
