ମୁମ୍ବାଇ ୩୦/୧୦: ଡିମ୍ପଲ୍ କପାଡିଆ ଭୋଗ ଇଣ୍ଡିଆର ନଭେମ୍ବର-ଡିସେମ୍ବର କଭର୍ ପେଜରେ ଛାଇ ଯାଇଛନ୍ତି। ଯାହା ଏହି ପ୍ରତିଷ୍ଠିତ ପତ୍ରିକା ପାଇଁ ତାଙ୍କର ପ୍ରଥମ କଭର ସୁଟ୍ ଭାବରେ ଏକ ମାଇଲଖୁଣ୍ଟ ଭାବେ ପ୍ରମାଣିତ ହୋଇଛି। ୬୭ ବର୍ଷ ବୟସରେ, ଭେଟେରାନ୍ ଅଭିନେତ୍ରୀ ନିଜର ଅବିସ୍ମରଣୀୟ ସୌନ୍ଦର୍ଯ୍ୟ ଏବଂ ଚମତ୍କାର ପ୍ରଦର୍ଶନରେ ସେ ଖୁବ୍ ସୁନ୍ଦର ଦେଖାଯାଉଛନ୍ତି।
ଡିମ୍ପଲଙ୍କ କଭରକୁ ନେଇ ଇଣ୍ଟରନେଟରେ ଉତ୍ସାହ ଦେଖାଯାଇଛି। ଫ୍ୟାନ୍ସ ସେମାନଙ୍କ ଖୁସି ବ୍ୟକ୍ତ କରି ଲେଖିଛନ୍ତି, “ଶେଷରେ! ଭୋଗ ଇନଷ୍ଟାଗ୍ରାମରେ ସୁଟିଂରୁ କିଛି ରୋମାଞ୍ଚକର ଫଟୋ ସେୟାର କରିଛି ଏବଂ ଏହା ସ୍ପଷ୍ଟ ଯେ ଡିମ୍ପଲ୍ସ ପ୍ରତ୍ୟେକ ଫ୍ରେମରେ ଏକ ଝଲକ ମାତ୍ର।“ ଏହା ବ୍ୟତୀତ ଡିମ୍ପଲଙ୍କ ଝିଅ ଟ୍ୱିଙ୍କଲ ଖାନ୍ନା ନିଜ ଇନଷ୍ଟାଗ୍ରାମ ଷ୍ଟୋରୀରେ ଫଟୋ ସେୟାର କରି ମଜାଳିଆ ଅନ୍ଦାଜରେ କ୍ୟାପସନ ଲେଖିଛନ୍ତି, ସୁପର ମ୍ୟାରିଓ ଦ୍ରଦର୍ସ କହିବେ, 'ମାମା ମିଆ!'
ଅନ୍ୟପକ୍ଷେ ଡିମ୍ପଲଙ୍କ ଫଟୋକୁ ନେଇ ଇଣ୍ଡଷ୍ଟ୍ରିରେ ସକରାତ୍ମକ ପ୍ରତିକ୍ରିୟା ମିଳୁଛି। ସେଲିବ୍ରିଟି ମେକଅପ୍ ଆର୍ଟିଷ୍ଟ ନମ୍ରତା ସୋନି ମନ୍ତବ୍ୟ ଦେଇ ଲେଖିଛନ୍ତି, "ଶେଷରେ। ଆଇକନ୍"। ଅଭିନେତ୍ରୀ ଦିଆ ମିର୍ଜା ଲେଖିଛନ୍ତି "ଆଇକନ୍"। ଏହା ବ୍ୟତୀତ ଜଣେ ଫ୍ୟାନ୍ସ ଲେଖିଛନ୍ତି , “ହେ ଭଗବାନ !!ସେ କିପରି କମାଲ୍ କରୁଛନ୍ତି। ଅନ୍ୟ ଜଣେ ଲେଖିଛନ୍ତି “ପ୍ରକୃତ ମେଗା ବ୍ୟୁଟି ଆଣ୍ଡ୍ ଟ୍ୟାଲେଣ୍ଟ”।
ତେବେ କଭରରେ, ଡିମ୍ପଲ୍ ନିଜ କେଶକୁ ଗ୍ଲାମରସ୍ ବ୍ଲୋଆଉଟ୍ ୱେଭ୍ସ ଷ୍ଟାଇଲ୍ କରିଛନ୍ତି । ସେ ଅଫ୍ ଦ ସୋଲ୍ଡର ନେଭି ବ୍ଲୁ ଆଉଟଫିଟ୍ ପିନ୍ଧିଥିଲେ, ଯାହା ସହ ଚମତ୍କାର ଷ୍ଟେଟମେଣ୍ଟ ନେକଲେସ୍ ପେୟାର କରିଛନ୍ତି। ସେ ସ୍ମୋକି ଆଏ, ମୋଟା ଲାଶ୍, କୋମଳ ବ୍ଲସ୍ ଟୋନ୍ ଲିପଷ୍ଟିକ୍ ମେକଅପ୍ରେ ଖୁବ୍ ସୁନ୍ଦର ଦେଖାଯାଉଛନ୍ତି।
