ମୁମ୍ୱାଇ – ବଲିଉଡ୍‌ ଷ୍ଟାର ହ୍ରିତିକ ରୋଶନଙ୍କ ପିତା ଫିଲ୍ମମେକର ରାକେଶ ରୋଶନ, ୩୦ ବର୍ଷ ପୂର୍ବେ ସେହି କମାଲ କରି ଥିଲେ, ଯାହାକୁ ସ୍କ୍ରିନରେ ବାରମ୍ୱାର ଦୋହରାଇବାର ଆଶା ପ୍ରତି ଭାରତୀୟ ସିନେମା ଲଭରଙ୍କର ରହିଥାଏ। ରାକେଶଙ୍କର ଫିଲ୍ମ କରଣ ଅର୍ଜୁନ ( ୧୯୯୫) ରେ ଶାହରୁଖ ଖାନ ଓ ସଲମାନ ଖାନ ଏକାଠି ପରଦାରେ ନଜର ଆସି ଥିଲେ।  

ଏହାସହ ଫିଲ୍ମରେ କାଜୋଲ ,ମମତା କୁଲକର୍ଣ୍ଣି , ରାଖି ଓ ଅମରେଶ ପୁରୀ ମଧ୍ୟ ମହତ୍ତ୍ୱପୂର୍ଣ୍ଣ ଚରିତ୍ରରେ ଥିଲେ। ଏହାସହ ଏହି ଫିଲ୍ମରେ ରାଜେଶ ରୋଶନଙ୍କର ଖୁବ୍‌ ଭଲ ମ୍ୟୁଜିକ୍‌ ମଧ୍ୟ ଥିଲା, ଯିଏକି ଅନେକ ଚିରସବୁଜ ହିଟ୍ସ ବଲିଉଡ୍‌କୁ ଦେଇଛନ୍ତି। ଏବେ କରଣ ଅର୍ଜୁନ ର ଯାଦୁ ଅଲମୋଷ୍ଟ ୩୦ ବର୍ଷ ପରେ ଆଉଥରେ ଥିଏଟରକୁ ଫେରୁଛି। ଏହି ଫିଲ୍ମ ଖୁବ୍‌ ଶୀଘ୍ର ହିଁ ହଲ୍‌ରେ ରି-ରିଲିଜ ହେବାକୁ ଯାଉଛି। 

ନିଜ ପିତାଙ୍କର ସବୁଠୁ ଆଇକନିକ ଫିଲ୍ମ ଗୁଡି଼କ ମଧ୍ୟରେ ଗୋଟିଏ , କରଣ ଅର୍ଜୁନ  ଆଉ ଥରେ ରିଲିଜ୍‌ ହେବାର ଘୋଷଣା ହ୍ରିତିକ ସୋସିଆଲ ମିଡ଼ିଆରେ ସେୟାର କରିଛନ୍ତି। ଫିଲ୍ମର ନୂଆ , ଏକ ମିନିଟ୍ ଅବଧିର ଟିଜର ସହ ହ୍ରିତିକ୍‌ ପୋଷ୍ଟ ସେୟାର କରିଛନ୍ତି ଏବଂ ଲେଖିଛନ୍ତି , ଯେବେ କରଣ ଅର୍ଜୁନ  ପ୍ରଥମ ଥର ବଡ଼ ପରଦାକୁ ଏକାଠି ଆସିଲେ , ଏହାପରେ ସିନେମା କେବେ ପୂର୍ବଭଳି ଆଉ ହେଲା ନାହିଁ। କରଣ ଅର୍ଜୁନ ଙ୍କର ପୁର୍ନଜନ୍ମ ନେବାର ସମୟ ପୁଣି ଥରେ ସାରା ବିଶ୍ୱର ସିନେମା ହଲ୍‌ରେ ଆସି ଗଲା , ତାହା ୨୨ ନଭେମ୍ୱର ୨୦୨୪ରୁ। 

କରଣ ଅର୍ଜୁନ ର ହିରୋ , ସୁପରଷ୍ଟାର ସଲମାନ ମଧ୍ୟ ଫିଲ୍ମର ନୂଆ ଟିଜର ସେୟାର କରିଛନ୍ତି। ସେ ଟିଜର ସେୟାର କରି ଲେଖିଛନ୍ତି , ରାଖି ଜୀ ସତ କହିଥିଲେ ଫିଲ୍ମରେ, ମୋ କରଣ ଅର୍ଜୁନ ପୁଣି ଆସିବେ । ୨୨ ନଭେମ୍ୱରରେ ସାରା ବିଶ୍ୱର ସିନେମା ହଲ୍‌ ଗୁଡ଼ିକରେ।

ହିନ୍ଦୀ ସିନେମାର ଆଇକନିକ୍‌ ହିଟ୍‌ କରଣ ଅର୍ଜୁନ ଫିଲ୍ମ। ଶାହରୁଖ ଓ ସଲମାନଙ୍କ ଅଭିନୀତ ଏହି ଫିଲ୍ମ ବକ୍ସ ଅଫିସରେ ଖୁବ୍ ଆୟ କରି ଥିଲା ଏବଂ ୧୯୯୫ ମସିହାର ସବୁଠୁ ହିଟ୍‌ ଫିଲ୍ମ ମଧ୍ୟରେ ଗୋଟିଏ ଥିଲା। ସେହି ବର୍ଷ ଏହା ଦିଲୱାଲେ ଦୁଲହନିଆ ଲେ ଜାଏଙ୍ଗେ  ପରେ , ସବୁଠୁ ବଡ଼ ଥିଲା। ରିପୋର୍ଟ କୁହେ କି ,କରଣ ଅର୍ଜୁନ ନିଜ ସମୟରେ ଗୋଲଡେନ ଜୁବୁଲି ସେଲିବ୍ରେଟ୍‌ କରି ଥିଲା। ଅତି କମ୍‌ରେ ୭୬ଟି ସ୍ଥାନରେ ଏହି କରଣ ଅର୍ଜୁନ  ୫୦ ସପ୍ତାହ ଯାଏ ଚାଲି ଥିଲା। ୨୬ ସ୍ଥାନରେ ଏହି ଫିଲ୍ମ ୭୬ ସପ୍ତାହ ଯାଏ ଚାଲି ଥିଲା। 

କରଣ ଅର୍ଜୁନ  ବିଷୟରେ ଆଉ ଏକ ସ୍ମତିମୟ କଥା ଯେ, ରାକେଶ ରୋଶନଙ୍କ ପୁଅ , ହ୍ରିତିକ ରୋଶନ ଉକ୍ତ ଫିଲ୍ମରେ ତାଙ୍କର ଆସିଷ୍ଟାଣ୍ଟ ଡାଇରେକ୍ଟର ମଧ୍ୟ ଥିଲେ। ସେତେବେଳେ ହ୍ରିତିକ୍‌ଙ୍କ ଅଭିନେତା ହେବାର କୌଣସି ପ୍ଲାନ ନଥିଲା। ହେଲେ ୨୦୦୦ରେ ସେ ଫିଲ୍ମ ‘ କହୋ ନା ପ୍ୟାର ହୈ’ ରୁ ବଲିଉଡ୍‌ରେ ପାଦ ରଖି ଥିଲେ ଏବଂ ଆଜି ତାଙ୍କୁ କରଣ ଅର୍ଜୁନର ଷ୍ଟାର୍ସ ଶାହରୁଖ-ସଲମାନଙ୍କ ସହ ସୁପରଷ୍ଟାର ଲିଷ୍ଟରେ ଗଣାଯାଉଛି।  

ବଲିଉଡ୍‌ ହଙ୍ଗାମାର ଏକ ରିପୋର୍ଟ ଅନୁସାରେ , ରି-ରିଲିଜ୍‌ରେ କରଣ ଅର୍ଜୁନ  ଏକ ନୂଆ କମାଲ କରିବାକୁ ଯାଉଛନ୍ତି , ଏହି ରି-ରିଲିଜ ହେବାର ସବୁଠୁ ବଡ଼ ଫିଲ୍ମ ହେବ , କାରଣ ଏହା କେବଳ ଇଣ୍ଡିଆରେ ନୁହେଁ , ଇଣ୍ଟରନ୍ୟାସନାଲ  ମାର୍କେଟସରେ ମଧ୍ୟ ଆଉ ଥରେ ରିଲିଜ ହେବାକୁ ଯାଉଛି। ଏବେ ଦେଖିବାକୁ ରହିଲା ‘କରଣ ଅର୍ଜୁନ’ ରି-ରିଲିଜ୍‌ରେ କଣ କମାଲ କରୁଛି।