ଭୁବନେଶ୍ବର,୨୬।୨ : ଶୈବପୀଠକୁ ଯାଇଥିବା ବେଳେ ଶ୍ରଦ୍ଧାଳୁଙ୍କୁ ମହୁମାଛି ଆକ୍ରମଣ। ଏଥିରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୪୦ ଜଣ ଆହତ ହୋଇଛନ୍ତି। ସୁନ୍ଦରଗଡ କିଞୀରିକେଲା ଥାନା ତିଲଡେଗା ଓ ବୋରିଗୁମ୍ମା କାମତାଠାରେ ଏଭଳି ଘଟଣା ଘଟିଛି।
ସୁନ୍ଦରଗଡ କିଞୀରିକେଲା ଥାନା ତିଲଡେଗା ଶିବ ମନ୍ଦିରକୁ ଯାଉଥିବା ରାସ୍ତାରେ ମହୁମାଛି ଆକ୍ରମଣରେ ଜଣେ ମହିଳାଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ୧୦ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ତିନି ଜଣ ଗୁରୁତର ଅଛନ୍ତି। ମୃତ ମହିଳା ଜଣଙ୍କ ହେଲେ ଗାଈଡେରା ଗ୍ରାମର ଦେବକୀ ରଣା ।
ସୁନ୍ଦରଗଡ କିଞୀରିକେଲା ଥାନା ତିଲଡେଗା ଶିବ ମନ୍ଦିରକୁ ଯାଉଥିବା ରାସ୍ତା ନିକଟ ଜଙ୍ଗଲରେ ଜଣେ ବ୍ୟକ୍ତିକୁ ମହୁ ମାଛି ମାରଣାନ୍ତକ ଆକ୍ରମଣ କରିବା ସହ ଗାଁ ମୁହାଁ ହୋଇଥିଲେ। ପଲ ପଲ ମହୁ ମାଛି ଉଡ଼ି ବୁଲୁ ଥିବା ବେଳେ ବାଇକରେ ଯାଉଥିବା ଲୋକଙ୍କୁ ଆକ୍ରମଣ କରିଥିଲେ ମହୁମାଛି । ଶିବ ମନ୍ଦିର କୁ ବାଇକ ରେ ଯାଉଥିବା ଲୋକଙ୍କୁ ମଧ୍ୟ ଆକ୍ରମଣ କରିଥିଲେ ମହୁମାଛି ।
ସେହିପରି ବୋରିଗୁମ୍ମା କାମତା ଶୈବପୀଠ ରେ ଶିବ ଦର୍ଶନ ପାଇଁ ଶ୍ରଦ୍ଧାଳୁ ଲମ୍ବା ଲାଇନ ରେ ଠିଆ ହୋଇଥିଲେ। ମନ୍ଦିର ନିକଟରେ ଥିବା ବରଗଛ ରେ ଥିବା ମହୁମାଛି ହଠାତ ଆସି ଶ୍ରଦ୍ଧାଳୁଙ୍କ ଆକ୍ରମଣ କରିଥିଲେ। ସମସ୍ତ ପ୍ରାଣ ବିକଳରେ ଦୌଡ଼ିବାକୁ ଲାଗିଲେ।ସେଥି ମଧ୍ୟରୁ ପ୍ରାୟ ୩୦ରୁ ଉର୍ଦ୍ଧ୍ବ ଲୋକଙ୍କୁ ଆକ୍ରମଣ କରିଥିଲେ ମହୁମାଛି।ସଂଗେ ସଂଗେ ଆହତ ଙ୍କୁ କୁମୁଲି ମେଡ଼ିକାଲ ରେ ଭର୍ତ୍ତି କରାଯାଇଛି।
