ଭୁବନେଶ୍ୱର,୨୬/୦୨: ଝାରସୁଗୁଡା ସହର ନିକଟସ୍ଥ ମାଳିମୁଣ୍ଡାରେ ଥିବା ଇକୋ ପାର୍କରେ ଲାଗିଲା ନିଆଁ । ଜଳିଗଲା ୨୨ ହଜାରରୁ ଅଧିକ ଗଛ । ନିଆଁ ଲାଗିବାର କାରଣ ଅସ୍ପଷ୍ଟ ରହିଥିବାବେଳେ କେହି ଦୃବୃତ୍ତ ନିଆଁ ଲଗାଇ ଦେଇଥିବା ଅନୁମାନ କରୁଛି ବନବିଭାଗ ।
ସୂଚମା ମୁତାବକ, ଇକୋ ପାର୍କରେ ୨୦୧୭ ରୁ ୨୦୨୧ ମଧ୍ୟରେ ୧୫ ହଜାର ଗଛ ଲଗାଯାଇଥିଲା । ପରବର୍ତ୍ତୀ ସମୟରେ ପାଖାପାଖି ଆଉ ୭ ହଜାର ବୃକ୍ଷ ରୋପଣ ହୋଇଥିଲା । ଏହିଭଳି ମୋଟ ୨୨ ହଜାର ଗଛ ଲଗାଇ ଥିଲା ବନ ବିଭାଗ । ବିଗତ ୭ ଦିନ ମଧ୍ୟରେ ୩ ଥର ନିଆଁ ଲାଗି ପ୍ରାୟ ୨୨ ହଜାର ଗଛ ପୋଡି ନଷ୍ଟ ହୋଇଛି । ଏଥିରେ ଆମ୍ବ, ଲିମ୍ବ, ଶିଶୁ, ଶାଗୁଆନ ଭଳି ଗଛ ପୋଡି ଯାଇଥିବା ବେଳେ ହଜାର ହଜାର ଗଛର ଡାଳ ଏବଂ ପତ୍ର ମଧ୍ୟ ପୋଡ଼ି ଯାଇଛି । ଫଳରେ ଏହି ଗଛ ବଞ୍ଚିବା ଆଶା ମଧ୍ୟ ମରି ହୋଇଯାଇଛି । ଏହାକୁ ନେଇ ଗଛ ଜଗିବା ଦାୟିତ୍ୱରେ ଥିବା କର୍ମଚାରୀ ପ୍ରତିକ୍ରିୟା ଦେଇ ପରୋକ୍ଷରେ ବନ ବିଭାଗକୁ ଦାୟୀ କରିଛନ୍ତି ।
