ଝାରସୁଗୁଡ଼ା, ୨୦/୦୧ : ପାରିବାରିକ କଳହର କରୁଣ ପରିଣତି। ସ୍ତ୍ରୀକୁ ଇଟାରେ ଛେଚି ଛେଚି ହତ୍ୟା କଲା ସ୍ଵାମୀ। ଝାରସୁଗୁଡ଼ା ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ଗୁଡ଼ମ ଗାଁରେ ଏଭଳି ବିଭତ୍ସ ହତ୍ୟାକାଣ୍ଡ ଘଟିଛି। ଅଭିଯୁକ୍ତ ସ୍ଵାମୀକୁ ଗିରଫ କରି ପୋଲିସ କୋର୍ଟ ଚାଲାଣ କରିଛି। ଘଟଣାସ୍ଥଳରୁ ରକ୍ତ ଭିଜା ଇଟା ଜବତ ହୋଇଛି।
ଏହି ଖବରଟିକୁ ପଢନ୍ତୁ-ଦନ୍ତା ଆକ୍ରମଣରେ ପୁଅ ମୃତ, ମା' ଗୁରୁତର
ସୂଚନାନୁଯାୟୀ, ରେଙ୍ଗାଲି ଥାନା ଅନ୍ତର୍ଗତ ଗୁଡମ ଗାଁର ନେହେରୁ ପ୍ରଧାନ ଏବଂ ସ୍ତ୍ରୀ ସରସ୍ବତୀ ପ୍ରଧାନଙ୍କ ମଧ୍ୟରେ କୌଣସି କାରଣରୁ କଳହ ଲାଗିଥିଲା। ଉଭୟ ସ୍ଵାମୀ-ସ୍ତ୍ରୀଙ୍କ ମଧ୍ୟରେ ଯୁକ୍ତିତର୍କ ହେବାରୁ ଏଥିରେ ଉତ୍ତ୍ୟକ୍ତ ହୋଇ ନେହେରୁ ସରସ୍ଵତୀଙ୍କୁ ଆକ୍ରମଣ କରିଥିଲା। ଏକ ଇଟାରେ ସ୍ତ୍ରୀକୁ ଛେଚି ଛେଚି ହତ୍ୟା କରିଥିଲା। ଫଳରେ ଘଟଣାସ୍ଥଳରେ ସରସ୍ଵତୀଙ୍କ ମୃତ୍ୟୁ ଘଟିଛି। ଅଭିଯୁକ୍ତ ନେହେରୁକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଘଟଣାସ୍ଥଳରୁ ରକ୍ତ ଭିଜା ଇଟା ଜବତ ହୋଇଛି।
