ବିନିକା,୦୪/୦୧: ସୁବର୍ଣ୍ଣପୁର ଜିଲ୍ଲାକୁ ପୁଣି ଫେରିଛି ଶୀତର ଲହରୀ । ରାତ୍ରୀ ସମୟରେ ୧୦ ଡିଗ୍ରୀ ତଳକୁ ଖସୁଛି ପାରଦ । ହାଡଭଙ୍ଗା ଶୀତରେ ଜୀବନ ଯାପନ ଅସ୍ତବ୍ୟସ୍ତ ହୋଇପଡିଛି । ନୂଆ ବର୍ଷ ଠାରୁ ପୁଣି ଶୀତ ଲହରୀ ଆରମ୍ଭ ହୋଇଯାଇଥିବା ବେଳେ ଗାଁ ଗୁଡିକରେ ଲୋକେ ନିଆଁ ଜାଳି ଶୀତରୁ ରକ୍ଷା ପାଉଛନ୍ତି । ସକାଳ ୧୦ ଟା ପର୍ଯ୍ୟନ୍ତ ଶୀତ ଅନୁଭୂତ ହେଉଥିବା ବେଳେ ସାରା ଅଞ୍ଚଳକୁ ଧଳା ଚାଦରରେ ଢାଙ୍କି ରଖୁଛି କୁହୁଡି ।
ଧୀରେ ଧୀରେ ଶୀତ ପ୍ରକୋପ ବଡିବା ସହ ପାରଦ ଖସିବାରେ ଲାଗିଛି । କୁହୁଡ଼ି ପାଇଁ କିଛି ଦୂରତା ପରେ କିଛି ବି ଦେଖାଯାଉନି । ଯାତାୟତ ପାଇଁ ଅସୁବିଧା ହେଉଥିବା ବେଳେ ଦୁର୍ଘଟଣାର ଶିକାର ହେଉଛି ଗାଡି ମଟର । ଶୀତରୁ ରକ୍ଷା ପାଇବା ପାଇଁ ନିଆଁ ଲଗାଇ ଶୀତ ଛଡାଉଛନ୍ତି ଅଞ୍ଚଳବାସୀ ।
