ଭୁବନେଶ୍ୱର,୨୬/୦୩: ସୁବର୍ଣ୍ଣପୁର ଜିଲ୍ଲା ଉଠା ଜଳସେଚନ ବିଭାଗ କାର୍ଯ୍ୟଳୟ ବାରଣ୍ଡାରେ ଧାରଣାରେ ବସିଲେ ଚାଷୀ । ଜିଲ୍ଲାର ସଦର ବ୍ଲକ ମୟୁରଉଡାନ ଗ୍ରାମ ପଞ୍ଚାୟତର ଚାଷୀ ମାନେ ୨୦୨୧ ମସିହାରୁ କାଗଜ ପତ୍ର ସହିତ ସିକ୍ୟୁରିଟି ଟଙ୍କା ମଧ୍ୟ ବାନ୍ଧିଛନ୍ତି । କିନ୍ତୁ ତାଙ୍କ ଜମିରେ ଡିପ୍ ବୋରୱେଲ୍ ଖୋଳାଯାଉନାହିଁ । ଚାଷୀ ମାନେ ବାରମ୍ଭାର ଉଠା ଜଳସେଚନ କାର୍ଯ୍ୟାଳୟକୁ ଦଉଡି ଦଉଡି ନୟାନ୍ତ ହେଲେଣି । ପରେ ଜିଲ୍ଲାପାଳ ଓ ଉପ-ମୁଖ୍ୟମନ୍ତ୍ରୀଙ୍କ ପର୍ଯ୍ୟନ୍ତ ମଧ୍ୟ ଅଭିଯୋଗ କରିଥିଲେ । ହେଲେ ସେମାନଙ୍କ ଅଭିଯୋଗ କେହି ଶୁଣୁ ନଥିବା ଅଭିଯୋଗ କରି ଧରଣାରେ ବସିଛନ୍ତି ଚାଷୀ ।
ଆଜି ପର୍ଯ୍ୟନ୍ତ ତାଙ୍କ ଜମିରେ ଡିପ୍ ବୋରୱେଲ୍ ଖୋଳା ଯାଇପାରୁ ନାହିଁ । ତେଣୁ ବାଧ୍ୟ ହୋଇ ବୁଧବାର ସମସ୍ତ ଚାଷୀ ଆସି ଉଠା ଜଳସେଚନ ବିଭାଗ କାର୍ଯ୍ୟାଳୟ ସମ୍ବୁଖରେ ଧାରଣାରେ ବସିଛନ୍ତି । ଆଗାମୀ ଦିନରେ ଏହି ଡିପ୍ ବୋରୱେଲ୍ ଖୋଳା ନଗଲେ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି ଚାଷୀ ।
