ବିନିକା, ୧୪/୧ : ସୁବର୍ଣ୍ଣପୁର ଜିଲ୍ଲା ହିକୁଡ଼ି ଫାଣ୍ଡି ଅନ୍ତର୍ଗତ ଧର୍ମଶାଳାରେ ବନ୍ଧୁକ ଦେଖାଇ ବଡ଼ ଧରଣର ଡକାୟତି । କିଓସ୍କ ବ୍ୟାଙ୍କ୍ ମାଲିକଙ୍କୁ ଲହୁ ଲୁହାଣ କରି ବନ୍ଧୁକ ମୁନରେ ଲୁଟି ନେଲେ ଲକ୍ଷାଧିକ ଟଙ୍କା । ଧର୍ମଶାଳାରେ ଥିବା ଲେହେଡି ଗାଁର ନୀଳାମ୍ବର ମହାପାତ୍ରଙ୍କ କିଓସ୍କ ବ୍ୟାଙ୍କ ବନ୍ଦ କରି ଘରକୁ ଯାଇଥିବା ସମୟରେ ବନ୍ଧୁକ ଦେଖାଇ ଲୁଟ୍ ହୋଇଥିବା ଅଭିଯୋଗ । ମାଲିକଙ୍କୁ ଲହୁଲୁହାଣ କରି ଟଙ୍କା ଲୁଟି ନେଇଥିବା ସୂଚନା । 

କିଓସ୍କ ମାଲିକ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି । ଅଭିଯୋଗ ଅନୁସାରେ ପ୍ରତ୍ୟେକ ଦିନ ଭଳି କିଓସ୍କ ବ୍ୟାଙ୍କ ବନ୍ଦ କରି ଘରକୁ ଯାଉଥିବା ସମୟରେ କିଛି ଦୁବୃର୍ତ୍ତ ନୀଳାମ୍ବରଙ୍କୁ ଅଟକାଇଥିଲେ l ଦୁର୍ବୃତ୍ତମାନେ ନୀଳାମ୍ବରଙ୍କୁ ଅଟକାଇ ବନ୍ଧୁକ ଦେଖାଇ ଟଙ୍କା ମାଗିଥିଲେ l ପରେ ଦୁର୍ବୃତ୍ତମାନଙ୍କ ପାଖରୁ ଖସି ଚାଲିଥିବା ସମୟରେ ତାଙ୍କୁ ଜବରଦସ୍ତି ମାଡ ମାରି ଲାହୁ ଲୁହାଣ କରିଦେଇଥିଲେ l ତେବେ ଟଙ୍କା ନ ଦେବାରୁ ତାଙ୍କୁ ମରଣାନ୍ତକ ଆକ୍ରମଣ କରି ତାଙ୍କ ମୁଣ୍ଡ ଫାଟି ଯାଇଥିଲା । କେବଳ ସେତିକି ନୁହେଁ ଏକ ରାଉଣ୍ଡ ଗୁଳି ମଧ୍ୟ ମାରିଥିଲେ । 

ତାଙ୍କୁ ଦୁର୍ବୃତ୍ତମାନେ ମାଡ ମରିବା ସହିତ ତାଙ୍କ ପାଖରୁ ଥିବା ପ୍ରାୟ ଦେଢ଼ ଲକ୍ଷ ଟଙ୍କା ସହିତ ଅନ୍ୟାନ୍ୟ ସାମଗ୍ରୀ ଧରି ଫେରାର ମାରିଥିଲେ । ପରେ ସ୍ଥାନୀୟ ଲୋକ ନିଳାମ୍ବରଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ନିକଟସ୍ଥ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରିଥିବାବେଳେ ପରେ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ଅନୁସନ୍ଧାନ କରିବା ସହିତ ଘଟଣାସ୍ଥଳରୁ ଏକ ଅଫୁଟା ଗୁଳି ଜବତ କରିଛି । ବିରମହାରାଜପୁର ବିଧାୟକ ରଘୁନାଥ ଜଗଦଲା ମଧ୍ୟ ପହଞ୍ଚି ଆକ୍ରମଣ ଶିକାର ହୋଇଥିବା ବ୍ୟକ୍ତିଙ୍କୁ ଘଟଣା ବିଷୟରେ ପଚରାଉଚୁରା କରୁଛନ୍ତି l