ପଟ୍ଟାମୁଣ୍ଡାଇ, ୨୧/୦୧ : ପଟ୍ଟାମୁଣ୍ଡାଇ ଥାନା ଆନ୍ତର୍ଗତ ସାନମାଣତିଆ ପଞ୍ଚାୟତରେ ମାଙ୍କଡ଼ ଉପଦ୍ରବ। ଏହି ଅଞ୍ଚଳରେ ସପ୍ତାହେ ହେବ ମାଙ୍କଡ଼ମାନେ ଆତଙ୍କ ଖେଳାଇଛନ୍ତି। ମାଙ୍କଡ଼ଙ୍କ ଆକ୍ରମଣରେ ୧୫ରୁ ଉର୍ଦ୍ଧ୍ଵ ଆହତ ହୋଇଛନ୍ତି। ଫଳରେ ସ୍ଥାନୀୟ ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି। ଛୋଟ ପିଲାମାନଙ୍କୁ ଏକା ବାହାରକୁ ଛାଡ଼ିବାକୁ ଘରଲୋକ ଡରୁଛନ୍ତି।
ଏହି ଖବରଟିକୁ ପଢନ୍ତୁ-ଶିରୁଳି ମହାବୀର ମନ୍ଦିରରୁ ଚୋରି, ହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ଲୁଟିନେଲେ ଦୁର୍ବୃତ୍ତ
ସୂଚନାନୁଯାୟୀ, ସୋମବାର ଗୋଟିଏ ଦିନରେ ମାଙ୍କଡ଼ଙ୍କ ଆକ୍ରମଣରେ ସାନମାଣତିଆ ପଞ୍ଚାୟତର ବଡମାଣତିଆ ଗ୍ରାମର କାଳନ୍ଦୀ ସାମଲ, ରବୀନ୍ଦ୍ର ସାହୁ, ପୁରସ୍ତମ ମଲ୍ଲିକ, ଧନିଆ ମଲ୍ଲିକ ଓ ଶୁଭଶ୍ରୀ ଦାସ ପ୍ରମୁଖ ୫ଜଣ ଆହତ ହୋଇଛନ୍ତି। ପରିବାର ଲୋକେ ସେମାନଙ୍କୁ ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ସ୍ୱାସ୍ଥ୍ୟକେନ୍ଦ୍ର ଓ କେନ୍ଦ୍ରାପଡ଼ା ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି। ମାଙ୍କଡ଼ଙ୍କ ଉପଦ୍ରବ ଯୋଗୁଁ ମହିଳା, ଛୋଟ ପିଲା ବାହାରକୁ ବାହାରିବା ଅସୁରକ୍ଷିତ ମଣୁଛନ୍ତି। କେନ୍ଦ୍ରାପଡ଼ା ଜିଲ୍ଲାପାଳ ଓ ବନବିଭାଗ ମାଙ୍କଡ଼ଙ୍କୁ ଧରିବା ପାଇଁ ପଦକ୍ଷେପ ନେବାକୁ ଗ୍ରାମବାସୀ ଦାବି କରିଛନ୍ତି।
