ନୂଆଦିଲ୍ଲୀ,୨୧/ ୧: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ ଘଟଣା ଏବେ ଚର୍ଚ୍ଚାରେ ରହିଛି । ଗିରଫ ଅଭିଯୁକ୍ତକୁ ନେଇ ଆଜି ସିନ୍ ରିକ୍ରିଏସନ କରିଛି ମୁମ୍ବାଇ ପୋଲିସ । ଗୋଟିଏ ପଟେ ଜଣେ ଡକାୟତି ଉଦ୍ଦେଶ୍ୟରେ ସୈଫଙ୍କୁ ଆକ୍ରମଣ କରିଥିଲା ଅନ୍ୟପଟେ ଆଉ ଜଣେ କିପରି ସହାୟତା କରିଥିଲା ତାର ସୁନ୍ଦର ଘଟଣା ଦେଖିବାକୁ ମିଳିଥିଲା । ଆହତ ସୈଫଙ୍କୁ ଡାକ୍ତରଖାନାରେ ପହଞ୍ଚାଇଥିବା ଅଟୋ ଡ୍ରାଇଭର ଭଜନ ସିଂହ ରାଣାଙ୍କୁ ପୁରସ୍କାର ରାଶି ପ୍ରଦାନ କରାଯାଇଛି । ଫୈଜାନ ଅନ୍ସାରୀ ନାମକ ଜଣେ ବ୍ୟକ୍ତି ତାଙ୍କୁ ୧୧ ହଜାର ଟଙ୍କା ପୁରସ୍କାର ବାବଦକୁ ଦେଇଥିବା ଜଣାପଡିଛି ।
ସାମାଜସେବୀ ଫୈଜାନ ଅନ୍ସାରୀ ଅଟୋ ଡ୍ରାଇଭର ଭଜନ ସିଂହ ରାଣାଙ୍କ କାର୍ଯ୍ୟକୁ ପ୍ରଶଂସା କରିବା ସହିତ ତାଙ୍କୁ ୧୧ ହଜାର ଟଙ୍କା ପୁରସ୍କାର ରାଶି ପ୍ରଦାନ କରିଛନ୍ତି । ସୈଫ ଅଲ୍ଲୀ ଖାନ୍ ରକ୍ତ ଜୁଡୁବୁଡୁ ଅଟୋ ଅଟୋ ଡାକିଥିଲେ । ଏହା ଶୁଣି ସୈଫ ଅଲ୍ଲୀଙ୍କୁ ଅଟୋରେ ବସାଇ ଡାକ୍ତରଖାନାରେ ପହଞ୍ଚିଥିଲେ ଅଟୋ ଡ୍ରାଇଭର ଭଜନ ସିଂହ ରାଣା । ଏହାପରେ ସେ ଦିନ ଘଟଣା ବାବଦରେ ଗଣମାଧ୍ୟମକୁ ଜଣାଇଥିଲେ । ପୋଲିସ ମଧ୍ୟ ତାଙ୍କୁ ପଚରାଉଚରା ପାଇଁ ଥାନାକୁ ଡାକିଥିଲା । ଡାକ୍ତରଖାନାରୁ ଡିସଚାର୍ଜ ହେବା ପରେ ଘର ବଦଳାଇପାରନ୍ତି ସୈଫ । ଫର୍ଚ୍ଯୁନ ହାଇଟ୍ସ ଆପାର୍ଟମେଣ୍ଟରେ ଥିବା ତାଙ୍କୁ ନୂଆ ଘରକୁ ଯିବେ ସୈଫ । ତାଙ୍କ ଉପରେ ଆକ୍ରମଣ ହୋଇଥିବା ଘରେ ତଦନ୍ତ ଚାଲିଥିବାରୁ ସେ ନୂଆ ଘରକୁ ଯିବେ ବୋଲି ଜଣାପଡିଛି ।
ଏହା ବି ପଢନ୍ତୁ...ସୈଫଙ୍କୁ ହସ୍ପିଟାଲରେ କିଏ ପହଞ୍ଚାଇଥିଲେ ? ସେଦିନ ରାତି ଘଟଣା ବଖାଣିଲେ ଅଟୋ ଡ୍ରାଇଭର ଭଜନ ସିଂହ
ଜାନୁଆରୀ୧୬ ତାରିଖରେ ମୁମ୍ବାଇ ବାନ୍ଦ୍ରାସ୍ଥିତ ବାସଭବନରେ ସୈଫ ଅଲ୍ଲୀ ଖାନଙ୍କୁ ଛୁରାମାଡ ହୋଇଥିଲା । ମରଣାନ୍ତ୍ରକ ଆକ୍ରମଣ କରିଥିଲା ଦୁର୍ବୃତ୍ତ । ପରିବାର ସୁରକ୍ଷା ପାଇଁ ଦୁର୍ବୃତ୍ତ ସହ ଏକାକୀ ଲଢିଥିଲେ ସୈଫ । ଘଟଣାର ତଦନ୍ତ କରିଥିଲା ମୁମ୍ବାଇ ପୋଲିସ । ବରିଷ୍ଠ ପୋଲିସ ଅଧିକାରୀଙ୍କୁ ନେଇ ୩୦ଟି ଟିମ୍ ଗଠନ ହୋଇଥିଲା । ଘଟଣାରେ ଡକାୟତି ଓ ବେଆଇନ ଅନୁପ୍ରେବଶ ସମେତ ମୋଟ ୫ଟି ମାମଲା ରଜ୍ଜୁ ହୋଇଥିଲା । ପ୍ରଥମେ ଜଣେ ସନ୍ଦିଗ୍ଧକୁ ପଚରାଉଚରା କରି ପୋଲିସ ଛାଡି ଦେଇଥିଲା ।
ଗତ ୧୯ ତାରିଖରେ ପୋଲିସ ମୁଖ୍ୟ ଅଭିଯୁକ୍ତକୁ ଗିରଫ କରିଥିଲା । ସେ ନାମ ବଦଳାଇ ପୋଲିସ ସହ ଲୁଚକାଳି ଖେଳୁଥିଲା । ଶେଷରେ ପୋଲିସ ତାକୁ କାବୁ କରିବାରେ ସଫଳ ହୋଇଥିଲା । ଅଭିଯୁକ୍ତ ଜଣକ ବାଂଲାଦେଶୀ ବୋଲି ଅନୁମାନ କରାଯାଉଥିଲା । ସେ ଜାତୀୟ ସ୍ତରରେ ଜଣେ ଖେଳାଳି । ଘରକୁ ଯିବାକୁ ଟଙ୍କା ଦରକାର ଥିବାରୁ ସେ ସୈଫଙ୍କ ଘରେ ପଶି ଡକାୟତି କରିବାକୁ ଏପରି କାଣ୍ଡ ଘଟାଇଥିବା ସ୍ବୀକାର କରିଥିଲା । ଆଜି (ମଙ୍ଗଳବାର) ଅଭିଯୁକ୍ତକୁ ସାଙ୍ଗରେ ସୈଫଙ୍କ ଘରେ ଘଟଣାର ସିନ ରିକ୍ରିଏସନ କରିଥିଲା ପୋଲିସ ।
