ମୁମ୍ବାଇ,୨୦/୧: ୧୦୪ ଦିନ ଡ୍ରାମା ପରେ ବିବାଦୀୟ ରିଆଲିଟି ଶୋ ବିଗବସ୍ ସିଜିନ ୧୮ ଉଦଯାପିତ ହୋଇଛି । ବିଗବସର ଅଷ୍ଟାଦଶ ସଂସ୍କରଣକୁ ତାର ବିଜେତା ମିଳିଛି । ରବିବାର ଅନୁଷ୍ଠିତ ଗ୍ରାଣ୍ଡ ଫାଇନାଲରେ ବିଗବସର ବିଜେତା ଘୋଷଣା ହୋଇଛି । ସମସ୍ତ ୬ ଫାଇନାଲିଷ୍ଟଙ୍କୁ ପଛରେ ପକାଇ ବାଜି ମାରି ନେଇଛନ୍ତି କରଣ ବୀର ମେହେରା । ଅନ୍ୟତମ ପ୍ରତିଯୋଗୀ ଭିଭିଆନ ଡସେନା ପ୍ରଥମ ରନର ଅପ୍ ହୋଇଛନ୍ତି । ସେହିପରି ୟୁଟ୍ୟୁବର ରଜତ ଦଲାଲ ଦ୍ବିତୀୟ ରନର-ଅପ୍ ହୋଇଛନ୍ତି ।
ଫାଇନାଲକୁ ଯାଇଥିବା ଅନ୍ୟ ୩ ପ୍ରତିଯୋଗୀଙ୍କ ମଧ୍ୟରେ ଅବିନାଶ ମିଶ୍ର, ଐଶା ସିଂହ ଓ ଚୁମ ଦାରଙ୍ଗ ରହିଥିଲେ । ସମସ୍ତଙ୍କୁ ପଛରେ ପକାଇ କରଣ ବୀର ଟ୍ରଫି ଜିତିବା ସହିତ ୫୦ ଲକ୍ଷ ଟଙ୍କାର ପୁରସ୍କାର ରାଶି ଜିତିଛନ୍ତି । ଫାଇନାଲର ପ୍ରାରମ୍ଭିକ ପର୍ଯ୍ୟାୟରେ ଚୁମ ଦାରଙ୍ଗ, ଅବିନାଶ ମିଶ୍ର ପରେ ପରେ ଅନ୍ୟ ପ୍ରତିଯୋଗୀ ବିଦା ହୋଇଥିଲେ । ଶେଷରେ ସଲମାନ ଖାନ ବିଜେତାଙ୍କ ନାମ ଘୋଷଣା କରିଥିଲେ । ଭିଭିଆନ ଡସେନା ଓ ରଜତ ଦଲାଲଙ୍କୁ ପଛାରେ ପକାଇ ବିଗବସ ଟ୍ରଫି ହାତେଇଥିଲେ କରଣ ବୀର ।
#WATCH | Mumbai: Bigg Boss 18 winner Karan Veer Mehra says, "I am very happy... This was my aim and it happened... When two people fight for the trophy there is bound to be bitterness but he (Vivian Dsena) is a very good person at heart, a family man so there is love for him… pic.twitter.com/uFuuSHaf2T
— ANI (@ANI) January 20, 2025
ବିଗବସ୍ ବିଜୟୀ ପରେ ପ୍ରତିକ୍ରିୟା ରଖି କରଣ ବୀର କହିଛନ୍ତି, ବହୁତ ଖୁସି ଲାଗୁଛି । ଏହା ମୋର ଲକ୍ଷ୍ୟ ଥିଲା ଯାହା ଘଟିଛି । ଯେବେ ଦୁଇ ଜଣ ଟ୍ରଫି ପାଇଁ ଲଢନ୍ତି ତେବେ ତିକ୍ତାତା ଆସିବ । କିନ୍ତୁ ଭିଭିଆନ ହୃଦୟରୁ ଜଣେ ଭଲ ଲୋକ । ମୋତେ ଏତେ ଭଲ ପାଇବା ଦେଇଥିବାରୁ ଦର୍ଶକଙ୍କୁ ଧନ୍ୟବାଦ ।
ଏହା ବି ପଢନ୍ତୁ...ଶ୍ରଦ୍ଧା ମିଶ୍ରା 'ସା ରେ ଗା ମା ପା' ବିଜେତା, ଜିତିଲେ ଟ୍ରଫି ସହ ୧୦ ଲକ୍ଷ କ୍ୟାସ୍
ଫାଇନାଲରେ ଆମିର ଖାନଙ୍କ ସମେତ ଅନେକ ସେଲିବ୍ରିଟି ସାମିଲ ହୋଇଥିଲେ । ରୋହିତ ସେଟ୍ଟୀଙ୍କ ଆଡଭେଞ୍ଚର ରିୟଲିଟି ଶୋ 'ଖତରୋଁ କି ଖିଲାଡି-୧୪' ଜିତିବା ପରେ କରଣ ବୀର ବିଗବସରେ ପ୍ରବେଶ କରିଥିଲେ । ଚଳିତ ସିଜିନରେ ସେ ସବୁଠୁ ଲୋକପ୍ରିୟ ପ୍ରତିଯୋଗୀ ଭାବେ ସମସ୍ତଙ୍କ ନଜରକୁ ଆସିଥିଲେ ।
