ମୁମ୍ବାଇ,୧୯/୧: ପପୁଲାର ସିଙ୍ଗିଙ୍ଗ୍ ରିୟାଲିଟି ଶୋ 'ସା ରେ ଗା ମା ପା ୨୦୨୪'କୁ ତାର ବିଜେତା ମିଳିଛି । ସମସ୍ତଙ୍କୁ ପଛରେ ପକାଇ ବାଜି ମାରି ନେଇଛନ୍ତି ଆଗ୍ରାର ଶ୍ରଦ୍ଧା ମିଶ୍ରା । ରୋମାଞ୍ଚକ ଦମଦାର ମୁକାବିଲା ପରେ ଟ୍ରଫି ହାତେଇଛନ୍ତି ଶ୍ରଦ୍ଧା । ଟ୍ରଫି ସହ ଶ୍ରଦ୍ଧାଙ୍କୁ ୧୦ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି । ଏହି ସଫଳତା ପରେ ସ୍ବପ୍ନ ସାକାର ହୋଇଥିବା କହିବା ସହ ସମସ୍ତ ବିଚାରକ ଓ ଦର୍ଶକଙ୍କୁ ଧନ୍ୟବାଦ ଦେଇଛନ୍ତି ଶ୍ରଦ୍ଧା ମିଶ୍ରା ।
ସା ରେ ଗା ମା ପା ଶୋର ଆରମ୍ଭରୁ ମୋଟ ୧୨ ଜଣଙ୍କୁ ସିଲେକ୍ଟ କରାଯାଇଥିଲା । ଏମାନଙ୍କ ମଧ୍ୟ ପ୍ରତିଯୋଗିତା ହୋଇଥିଲା । ସମସ୍ତେ ନିଜ ସଙ୍ଗୀତର ଯାଦୁ ଦେଖାଇଥିଲେ । ରୋମାଞ୍ଚକର ମୁକାବିଲା ହୋଇଥିଲା । ମାତ୍ର ସମସ୍ତଙ୍କୁ ପଛ ପକାଇ ବାଜି ମାରି ନେଇଛନ୍ତି ଆଗ୍ରାର ଶ୍ରଦ୍ଧା ମିଶ୍ରା । ପୁରସ୍କାର ରାଶି ବାବଦରେ ୧୦ ଲକ୍ଷ ଟଙ୍କା ଓ ଟ୍ରଫି ଶ୍ରଦ୍ଧାଙ୍କୁ ପ୍ରଦାନ କରାଯାଇଛି । ଶୋ ଚାଲିଥିବା ସମୟରେ ହିଁ ଶ୍ରଦ୍ଧା ସଚିନ୍ -ଜିଗରଙ୍କ ସହିତ ଏକ ଗୀତ ମଧ୍ୟ ରେକର୍ଡ କରିଛନ୍ତି । ଏହା ପରେ ସେ ହିଁ ବିଜେତା ଏକ ପ୍ରକାର ନିଶ୍ଚିନ୍ତ ଥିଲା । ମିଳିଥିବା ପୁରସ୍କାର ରାଶିରେ ମୋର ଏକ ଷ୍ଟୁଡିଓ କରିବା ସହି ବାପାଙ୍କ ଗୋଡର ଚିକିତ୍ସା କରିବି ବୋଲି କହିଛନ୍ତି ଶ୍ରଦ୍ଧା ମିଶ୍ରା ।
ଏହା ବି ପଢ଼ନ୍ତୁ...ହାତକୁ ଦୁଇ ହାତ ହେଲେ ବଲିଉଡ୍ ଗାୟକ ଦର୍ଶନ ରାୱଲ, ସୋସିଆଲ ମିଡ଼ିଆରେ ଫଟୋ ଭାଇରାଲ
ଦ୍ବିତୀୟ ଓ ତୃତୀୟରେ କିଏ- ଶ୍ରଦ୍ଧା ମିଶ୍ରା ପ୍ରଥମ ସ୍ଥାନରେ ରହିଛନ୍ତି । ଦ୍ବିତୀୟ ସ୍ଥାନରେ କୋଲକାତାର ଶୁଭଶ୍ରୀ ଦେବନାଥ ରହିଥିବାବେଳେ ତୃତୀୟ ସ୍ଥାନରେ ଉଜ୍ବଲ ମୋନିରାମ ଗଜଭର ରହିଛନ୍ତି । ଉଭୟଙ୍କୁ ଟ୍ରଫି ସହ ୫ ଲକ୍ଷ ଲେଖାଏଁ କ୍ୟାସ ପ୍ରାଇଜ ପ୍ରଦାନ କରାଯାଇଛି । ଶନିବାର ସା ରେ ଗା ମା ପା ୨୦୨୪ର ଗ୍ରାଣ୍ଡ ଫାଇନାଲ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ କ୍ରିକେଟର ହରଭଜନ ସିଂହ, ବଲିଉଡ ପ୍ରସିଦ୍ଧ ଗାୟକ ଉଦିତ୍ ନାରାୟଣ, କବିତା କିଷ୍ଣାମୂର୍ତ୍ତୀ ପ୍ରମୁଖ ଯୋଗ ଦେଇଥିଲେ ।
