ମୁମ୍ୱାଇ – ବଲିଉଡ୍ ଅଭିନେତା ସୈଫ ଅଲ୍ଲୀ ଖାନଙ୍କ ଉପରେ ଆକ୍ରମଣ ମାମଲାରେ ପୁଲିସ ହାତରେ ଲାଗିଛି ନୂଆ ତଥ୍ୟ। ଗିରଫ ଅଭିଯୁକ୍ତ ମହମ୍ମଦ ଶରିଫୁଲ ଇସଲାମ ସହଜାଦ ପୁଲିସ ସାମ୍ନାରେ ନିଜର ଅପରାଧ ସ୍ୱୀକାର କରିଛି। ଅଭିଯୁକ୍ତକୁ ଯେତେବେଳେ ହମଲା ବିଷୟରେ ପଚରାଗଲା ତ ସେ ବୟାନରେ କହିଛି କି ,ହଁ ମୁଁ ହିଁ ହମଲା କରିଛି। ଏହି ବୟାନ ପୁଲିସର ଯାଞ୍ଚ ପାଇଁ ପ୍ରମୁଖ ପ୍ରମାଣ ଭାବେ ଗ୍ରହଣ କରାଯାଇଛି। ହମଲା ୧୬ ଜାନୁଆରୀ ରାତିରେ ସୈଫଙ୍କ ବାନ୍ଦ୍ରା ସ୍ଥିତ ନିବାସରେ ହୋଇଛି। ସେଠାରେ ଅଭିଯୁକ୍ତ ଛୁରୀରେ ତାଙ୍କୁ ଆକ୍ରମଣ କରିଥିଲା।
ପୁଲିସ କହିଛି କି ଅଭିଯୁକ୍ତ ବାଂଲାଦେର ନାଗରିକ , ଯିଏ ଗତ ୪-୫ ମାସ ପୂର୍ବେ ମୁମ୍ୱାଇ ଆସି ଥିଲା। ଥାନେ ସ୍ଥିତ ରିକି ବାରରେ ଅଭିଯୁକ୍ତ ଜଣଙ୍କ ହାଉସକିପିଂ ଷ୍ଟାଫ୍ ଭାବେ କାମ କଲା ଏବଂ ନିଜର ପ୍ରକୃତ ନାଁ ଲୁଚାଇ ନିଜକୁ ବିଜୟ ଦାସ ନାଁରେ ପରିଚୟ ଦେଲା। ଅଭିଯୁକ୍ତ ଏହା ମଧ୍ୟ କହିଛି କି ସେ ଅର୍ଥାଭାବରେ ଥିଲା। ୧୬ ଜାନୁଆରୀ ରାତିରେ , ସେ ସୈଫ ଅଲ୍ଲୀ ଖାନଙ୍କୁ ଛୁରୀରେ ହମଲା କରିଥିଲା , ଯେଉଁଥିରେ ତାଙ୍କର ବେକ ,କାନ୍ଧ ଓ ମେରୁଦଣ୍ଡ ହାଡ଼ରେ ଗୁରୁତର ଆଘାତ ଲାଗିଥିଲା। ସୈଫଙ୍କୁ ତୁରନ୍ତ ଲୀଳାବତୀ ହସ୍ପିଟାଲକୁ ନିଆ ଯାଇ ସର୍ଜରୀ କରାଯାଇ ଥିଲା। ସର୍ଜରୀ ବେଳେ ତାଙ୍କ ମେରୁଦଣ୍ଡରୁ ୨.୫ ଇଞ୍ଚର ଲମ୍ୱ ବ୍ଲେଡ୍ର ଖଣ୍ଡ ବାହାର କରାଗଲା।
ପୁଲିସ ଅଭିଯୁକ୍ତକୁ ଥାନେରୁ ଗିରଫ କରିଛି ଏବଂ ତାକୁ ୫ଦିନର ପୁଲିସ ରିମାଣ୍ଡରେ ପଠାଇ ଦେଇଛନ୍ତି କୋର୍ଟ । ସେଠାରେ ପୁଲିସ ତାର ଯାଞ୍ଚ କରୁଛି। ପୁଲିସ ଅନୁସାରେ , ଅଭିଯୁକ୍ତ ଭାରତକୁ ଅବୈଧ ଉପାୟରେ ଆସିଥିଲା ଏବଂ ତାର ପୂର୍ବରୁ ହିଁ ଏକ ଅପରାଧିକ କନେକ୍ସନରେ ସଂପୃକ୍ତ ଥିଲା।
ଅନ୍ୟପଟେ ଏହି ମାମଲା ବଲିଉଡ୍ ଓ ମୁମ୍ୱାଇବାସୀଙ୍କ ପାଇଁ ଏକ ବଡ଼ ଝଟକା ସଦୃଶ। ଘଟଣା ପରେ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଠିଆ ହୋଇଛି। ସୈଫଙ୍କ ପରିବାର ଓ ପ୍ରଶଂସକମାନେ ତାଙ୍କର ଆଶୁ ଆରୋଗ୍ୟ କାମନା କରୁଛନ୍ତି।
