ମୁମ୍ବାଇ,୨୦/୦୧: ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ଼ ଘଟଣା। ସୈଫଙ୍କ ଘରେ ସିନ୍ ରିକ୍ରିଏସନ୍ କରିବ ମୁମ୍ୱାଇ ପୋଲିସ । ଗିରଫ ଅଭିଯୁକ୍ତକୁ ନେଇ ସୈଫ୍ ଅଲ୍ଲୀ ଖାନ୍ଙ୍କ ଘରେ ମୁମ୍ବାଇ ପୋଲିସ୍ କ୍ରାଇମ୍ ସିନ୍ ରିକ୍ରିଏଟ୍ କରାଇବ। କିପରି ୧୨ ମହଲା ଉପରକୁ ପ୍ରବେଶ କରିଥିଲା ସନ୍ଦିଗ୍ଧ। ଟିକିନିଖି କ୍ରାଇମର ହେବ ରିକ୍ରିଏସନ୍। ଶନିବାର ଠାଣେରୁ ଗିରଫ ବାଂଲାଦେଶୀ ଯୁବକ ହିଁ ସୈଫ୍ ଘରେ ପଶି ତାଙ୍କୁ ଆକ୍ରମଣ କରିଥିବା କୁହାଯାଉଛି। ଅଭିଯୁକ୍ତର ନାମ ମହମ୍ମଦ ଶରିଫୁଲ ଇସ୍ଲାମ୍ ଶହଜାଦ ।
ସୂଚନା ମୁତାବକ, ଗିରଫ ଅଭିଯୁକ୍ତକୁ ମୁମ୍ୱାଇ ପୋଲିସ ୫ ଦିନ ପାଇଁ ହେପାଜତକୁ ନେଇଛି। ଏହି ୫ ଦିନ ଭିତରେ ସୈଫଙ୍କ ଘରେ ଅଭିଯୁକ୍ତକୁ ନେଇ ମୁମ୍ୱାଇ ପୋଲିସ କ୍ରାଇମ ସିନ୍ ରିକ୍ରିଏସନ୍ କରିପାରେ ବୋଲି କୁହାଯାଉଛି। ଯଦିଓ ସୈଫଙ୍କ ଉପରେ ଆକ୍ରମଣ ହୋଇଥିବା ଘଟଣାରେ ମୁମ୍ୱାଇ ପୋଲିସ ୩ ଜଣଙ୍କୁ ଗିରଫ କରିଛି। ହେଲେ ଅନ୍ୟପଟେ ସିସିଟିଭିରେ କଏଦ ସନ୍ଦିଗ୍ଧର ଚେହେରା ଶନିବାର ଗିରଫ ମହମ୍ମଦ ଶିରଫୁଲ ଇସଲାମ ସହ ମେଳ ଖାଉନଥିବା କୁହାଯାଉଛି। ଗିରଫ ହୋଇଥିବା ମୁଖ୍ୟ ଅଭିଯୁକ୍ତ କୁହାଯାଉଥିବା ବେଳେ ସନ୍ଦିଗ୍ଧ ଯୁବକକୁ ନେଇ ପୋଲିସ କ୍ରାଇମସିନ୍ ରିକ୍ରିଏସନ କରିବ। ତେବେ ୧୫ ଜାନୁଆରୀ ରାତିରେ ସୈଫ୍ଙ୍କ ଘରେ ପଶି ତାଙ୍କ ଉପରେ ଛୁରୀରେ ଆକ୍ରମଣ କରିଥିଲା ସନ୍ଦିଗ୍ଧ । ଅଭିଯୁକ୍ତ ୭ ମହଲା ପର୍ଯ୍ୟନ୍ତ ସିଢିରେ ପରେ ପାଇପ୍ରେ ଚଢ଼ି ୧୨ତମ ମହଲାରେ ପହଞ୍ଚିଥିଲା ।ପରେ ବାଥରୁମ୍ ଝରକା ଦେଇ ଘର ଭିତରେ ପଶିଥିଲା ଅଭିଯୁକ୍ତ। ଯାହା ଫଳରେ ଅଭିନେତା ଗୁରୁତର ଆହତ ହୋଇଥିବା ବେଳେ ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ଏ ସବୁ ଘଟଣାର ସିନ୍ ରିକ୍ରିଏସନ୍ ପୋଲିସ ଆଜି କରିବ ।
