ନୂଆଦିଲ୍ଲୀ,୨୦।୧: ବହୁ ଚର୍ଚ୍ଚିତ ବେଙ୍ଗାଲୁରୁର ଇଞ୍ଜିନିୟର ଅତୁଲ ସୁଭାଷଙ୍କ ଆତ୍ମହତ୍ୟା ମାମଲାରେ ପରିବାରକୁ ଝଟକା ସୁପ୍ରିମକୋର୍ଟ ଅତୁଲଙ୍କ ପତ୍ନୀ ନିକିତା ସିଂଘାନିଆଙ୍କୁ ୪ ବର୍ଷର ପୁଅର କଷ୍ଡଡି ପ୍ରଦାନ କରିଛନ୍ତି। କୋର୍ଟଙ୍କ ଏହି ରାୟ ଦ୍ବାରା ଅତୁଲଙ୍କ ମା’ଙ୍କୁ ଲାଗିଛି ଶକ୍ତ ଝଟକା। ଅତୁଲଙ୍କ ମା’ ଅଞ୍ଜୁଦେବୀ ମାମଲା ଦାୟର କରି ନିଜ ୪ ବର୍ଷର ନାତିର କଷ୍ଟଡି ଦାବି କରିଥିଲେ। ଏହା ପୂର୍ବରୁ ଜଷ୍ଟିସ୍ ବି.ବି ନାଗରତ୍ନା ଓ ଜଷ୍ଟିସ୍ ସତୀଶ ଚନ୍ଦ୍ର ଶର୍ମାଙ୍କ ଖଣ୍ଡପୀଠ ଶୁଣାଣି ଆରମ୍ଭ ହେବାମାତ୍ରେ ଅତୁଲଙ୍କ ପୁଅକୁ ଅଧଘଣ୍ଟା ଭିତରେ କୋର୍ଟକୁ ଆଣିବାକୁ ନିର୍ଦେଶ ଦେଇଥିଲେ।
ଜଷ୍ଟିସ୍ ନାଗରତ୍ନା ଅତୁଲଙ୍କ ପତ୍ନୀ ନିକିତାଙ୍କ ଓକିଲଙ୍କୁ ଭିଡିଓ ଲିଙ୍କ ମାଧ୍ୟମରେ ପୁଅ ସହ ୩୦ ମିନିଟ୍ରେ ହାଜର କରିବାକୁ କହିଥିଲେ। ଏହା ଦ୍ବିତୀୟ ଥର ଯେତେବେଳେ କୋର୍ଟ ଅତୁଲଙ୍କ ପୁଅକୁ ଦେଖିବାକୁ ଦାବି କରିଥିଲେ। ଚଳିତ ମାସ ଆରମ୍ଭରୁ ନିକିତାଙ୍କ ଓକିଲ କୋର୍ଟକୁ କହିଥିଲେ, ପିଲାଟି ଏବେ ହରିୟାଣାର ଫରିଦାବାଦରେ ଥିବା ଏକ ବୋର୍ଡିଂ ସ୍କୁଲରେ ପଢୁଛି। ଏବେ ତାଙ୍କ ମା’ ସହ ବେଙ୍ଗାଲୁର ଆସିବ।
ଅଞ୍ଜୁ ଦେବୀଙ୍କ ଓକିଲ କୁମାର ଦ୍ୟୁଷନ୍ତ ସିଂହ ନାତିର କଷ୍ଟଡି ମାଗିଥିଲେ। ସେ କହିଥିଲେ ନିକିତା ପୁଅର ଠିକଣା ଶାଶୁଙ୍କଠାରୁ ଲୁଚାଇ ରଖିଥିଲେ। ୬ ବର୍ଷରୁ କମ୍ ବୟସର ପିଲାକୁ ବୋର୍ଡିଂ ସ୍କୁଲକୁ ପଠାଯିବା ଉଚିତ ନୁହେଁ। ଏହାପରେ କୋର୍ଟ ସୋମବାର ଆଗାମୀ ଶୁଣାଣି ପର୍ଯ୍ୟନ୍ତ କୋର୍ଟରେ ପୁଅକୁ ହାଜର କରିବାକୁ ନିର୍ଦେଶ ଦେଇଥିଲେ। ଏହା ସହ କହିଥିଲେ, ମାମଲାରେ ମିଡିଆ ଟ୍ରାଏଲ ଅନୁସାରେ ରାୟ ଦେଇ ହେବନି। ସୋମବାର ଯେତେବେଳେ ଅତୁଲଙ୍କ ପୁଅକୁ ହାଜର କରାଯାଇନଥିଲା ଜଷ୍ଟିସ୍ ରାଗରତ୍ନା ଅସନ୍ତୋଷ ପ୍ରକାଶ କରି ୩୦ ମିନିଟ୍ ଭିତରେ ଭିଡିଓ ଲିଙ୍କରେ ହାଜର କରିବାକୁ ନିର୍ଦେଶ ଦେଇଥିଲେ। ପରେ କୋର୍ଟ ଶିଶୁଟିର କଷ୍ଟଡି ମା’ ନିକିତାଙ୍କୁ ଦେଇଥିଲେ। ଉଲ୍ଲେଖନୀୟ ଯେ, ଗତ ବର୍ଷ ୯ ଡିସେମ୍ବରରେ ବେଙ୍ଗାଲୁରର ୩୪ ବର୍ଷୀୟ ସୁଭାଷ ନିଜ ଘରେ ଫାଶୀ ଲଗାଇ ଆତ୍ମହତ୍ୟା କରିଥିଲେ। ସୁଭାଷ ଏକ ଲମ୍ବା ସୁସାଇଡ୍ ନୋଟ୍ରେ ନିଜ ପତ୍ନୀ ଓ ଶ୍ବଶୁର ଘର ଲୋକଙ୍କ ଉପରେ ଆଣିଥିଲେ ସଙ୍ଗୀନ ଅଭିଯୋଗ। ଏହି ଘଟଣାରେ ଅତୁଲଙ୍କ ପତ୍ନୀ ନିକିତା, ଶାଶୁ ନିଶା ସିଂଘାନିଆ ଓ ଶାଳକ ଅନୁରାଗ ସିଂଘାନିଆଙ୍କୁ ଗିରଫ କରାଯାଇଥିଲା। ତେବେ ବେଙ୍ଗାଲୁରୁର ଏକ କୋର୍ଟ ସେମାନଙ୍କୁ ଜାମିନ ପ୍ରଦାନ କରିଥିଲେ।
ଅନୁପ୍ରବେଶକାରୀଙ୍କ ପାଇଁ ଆରପିଏଫ୍ ସତର୍କ, ଗତ ୪ ବର୍ଷରେ ୯୧୬ ଜଣ ବାଂଲାଦେଶୀ-ରୋହିଙ୍ଗ୍ୟା ଗିରଫ
