ନୂଆଦିଲ୍ଲୀ: ବିଦେଶରେ ଭାରତୀୟଙ୍କ ଉପରେ ଆକ୍ରମଣ ଥମିବାର ନାଁ ନେଉନି। ଆମେରିକାରେ ପୁଣି ଜଣେ ଭାରତୀୟଙ୍କୁ ହତ୍ୟା କରାଯାଇଛି। ଆମେରିକାରେ ରହି ପାଠ ପଢୁଥିବା କରୁଥିବା ଜଣେ ୨୬ ବର୍ଷୀୟ ହାଇଦ୍ରାବାଦ ଯୁବକଙ୍କୁ ଅଜ୍ଞାତ ଆକ୍ରମଣକାରୀମାନେ ଗୁଳି କରି ହତ୍ୟା କରିଛନ୍ତି। ଘଟଣାଟି ୱାଶିଂଟନ ଆଭେନ୍ୟୁରେ ଘଟିଛି, ଯେଉଁଠାରେ ପୀଡିତ ରବିତେଜାଙ୍କୁ ଦୁର୍ବୃତ୍ତମାନେ ଆକ୍ରମଣ କରିଥିବା ଜଣାପଡ଼ିଛି।
ହାଇଦ୍ରାବାଦ ସ୍ଥିତ ଆରକେ ପୁରମ ଅଞ୍ଚଳର ସ୍ଥାୟି ବାସିନ୍ଦା ହେଉଛନ୍ତି ରବିତେଜା। ସେ ୨୦୨୨ ମସିହା ମାର୍ଚ୍ଚ ମାସରେ ମାଷ୍ଟର ଡିଗ୍ରୀ କରିବାପାଇଁ ଆମେରିକା ଚାଲିଯାଇତିଲେ। ତେବେ ନିକଟରେ ତାଙ୍କର ପାଠ ପଢା ସରିବା ସହ ସେ ଆମେରିକାରେ ଏକ ଚାକିରୀ ସନ୍ଧାନରେ ଥିଲେ। ତେବେ କେହି ଜଣେ ଦୁର୍ବୃତ୍ତ ତାଙ୍କୁ ଅତି ନିକଟରୁ ଗୁଳି କରି ହତ୍ୟା କରିଥିବା ନେଇ ଖବର ମିଳିଛି।
ତେବେ ଏହି ମାମଲାରେ ସ୍ଥାନୀୟ ପୋଲିସ ଘଟଣାର ଛାନଭିନ ଜାରି ରଖିଛି। ଖବର ଲେଖା ହେବା ଯାଏ ଏ ସମ୍ବର୍କରେ ଅନ୍ୟ ସୂଚନା ମିଳିପାରି ନାହିଁ।
