ନୂଆଦିଲ୍ଲୀ,୨୦।୧: ବ୍ରିଟିସ୍ ଶାସନ ସମୟରେ ଭାରତରୁ ଲୁଟ୍ ହୋଇଥିଲା ପ୍ରଚୁର ଧନ ସମ୍ପତ୍ତି। ଆଉ ଏହି ଅର୍ଥର ଲାଭ ମାତ୍ର ୧୦% ଧନୀ ଲୋକ ପାଇଛନ୍ତି। ଏଭଳି ଏକ ରିପୋର୍ଟ ଦେଇଛି ଅକ୍ସଫାମ ଇଣ୍ଟରନ୍ୟାସନାଲ। ବିଶ୍ବ ଆର୍ଥିକ ମଞ୍ଚର ବାର୍ଷିକ ବୈଠକର କିଛି ଘଣ୍ଟା ପୂର୍ବରୁ ସୋମବାର ଜାରି କରାଯାଇଛି ଏହି ରିପୋର୍ଟ।
୧୭୬୫ ରୁ ନେଇ ୧୯୦୦ ପର୍ଯ୍ୟନ୍ତ ଦୀର୍ଘ ୧୩୫ ବର୍ଷ ଭାରତରେ ବ୍ରିଟେନ୍ର ଥିଲା ଉପନିବେଶ। ଏହି ସମୟରେ ଭାରତରୁ ୬୪,୮୨୦ ବିଲିୟନ ଆମେରିକୀୟ ଡଲାର ଅର୍ଥ ନେବାରେ ସକ୍ଷମ ହୋଇଥିଲା ବ୍ରିଟେନ। ତା ଭିତରୁ ୩୩,୮୦୦ ବିଲିୟନ ଡଲାର ଦେଶର ସବୁଠାରୁ ଧନୀ ୧୦ ପ୍ରତିଶତ ଲୋକଙ୍କ ପାଖକୁ ଯାଇଛି। ଏହି ସୂଚନା ଅକ୍ସଫାମର ଇଣ୍ଟରନ୍ୟାସନାଲ ତାଜା ବିଶ୍ବ ଅସମାନତା ରିପୋର୍ଟରେ ଦେଇଛି। ବିଶ୍ବ ଆର୍ଥିକ ମଞ୍ଚ ବା ଡ୍ଲୁଇଏଫ୍ର ବାର୍ଷିକ ବୈଠକର କିଛି ଘଣ୍ଟା ପୂର୍ବରୁ ସୋମବାର ଦିଆଯାଇଛି। ‘ଟେକର୍ସ ନଟ୍ ମେକର୍ସ’ ଶୀର୍ଷକ ଥିବା ଏହି ରିପୋର୍ଟ ଜାରି କରିଛି। ଏଥିରେ ବହୁ ଅଧ୍ୟୟନ ଓ ରିସର୍ଚ୍ଚକୁ ନେଇ ଦାବି କରାଯାଇଛି ଯେ, ଆଧୁନିକ ବହୁରାଷ୍ଟ୍ରୀୟ କମ୍ପାନୀଗୁଡ଼ିକ କେବଳ ଉପନିବେଶବାଦର ଫଳାଫଳ।
ଅକ୍ସଫାମ କହିଛି "ଐତିହାସିକ ଉପନିବେଶିକ ଯୁଗରେ ରହିଥିବା ଅସମାନତା ଏବଂ ଲୁଟପାଟର ବିକୃତି, ଆଧୁନିକ ଜୀବନକୁ ପୁନଃଆକୃତି ଦେଉଛି," । ଏହା ଏକ ଅତ୍ୟନ୍ତ ଅସମାନ ବିଶ୍ୱ ସୃଷ୍ଟି କରିଛି। ଏଭଳି ଏକ ବିଶ୍ୱ ଯାହା ଜାତିଭେଦ ଉପରେ ଆଧାରିତ ବିଭାଜନରେ ଜର୍ଜରିତ। ଅକ୍ସଫାମର ରିପୋର୍ଟ ଅନୁସାରେ, ଉପନିବେଶବାଦର ମୁଖ୍ୟ ଲାଭାର୍ଥୀ ଥିଲେ ମଧ୍ୟମ ବର୍ଗର ଲୋକେ। କେବଳ ସେତିକି ନୁହେଁ ରିପୋର୍ଟରେ ଉପନିବେଶବାଦକୁ ‘ବିଷ ବୃକ୍ଷର ଫଳ’ ବୋଲି କୁହାଯାଇଛି।’
ଏହି ଦେଶରେ ଚା’ର ମିଠାରୁ ଫିକ୍ସ ହୁଏ ବିବାହ, ଚିନିରୁ ମିଳିଥାଏ ଆପ୍ରୁଭାଲ
