ବିନିକା,୧୩/୦୧: ମାସ ବାୟୋ ଫୁଏଲସ ପ୍ରାଇଭେଟ ଲିମିଟେଡ ଇଥାନଲ ପ୍ଲାଣ୍ଟ ଠାରେ ମେସିନରେ ଚାପି ହୋଇ ଜଣେ ଶ୍ରମିକଙ୍କ ମୃତ୍ୟୁ ହୋଇଛି । ମୃତ ଶ୍ରମିକ ଜଣକ ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ କଟାପାଳି ପଞ୍ଚାୟତ ଅରଖପଦର ଗ୍ରାମର ଅଜୁ ମହାକୁର ବୋଳି ଜଣାପଡିଛି । ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ପାନିମୁରା ଜଙ୍ଗଲ ଠାରେ ଥିବା ମାସ ବାୟୋ ଫୁଏଲସ ପ୍ରାଇଭେଟ ଲିମିଟେଡ ଇଥାନଲ ପ୍ଲାଣ୍ଟରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ପାନିମୁରା ଜଙ୍ଗଲ ଠାରେ ନିର୍ମାଣ ହୋଇଥିବା ମାସ ବାୟୋ ଫୁଏଲସ ପ୍ରାଇଭେଟ ଲିମିଟେଡ ଇଥାନଲ ପ୍ଲାଣ୍ଟରେ କାର୍ଯ୍ୟରତ ଅବସ୍ଥାରେ ମେସିନରେ ଶ୍ରମିକ ଜଣକ ଚାପି ହୋଇଯାଇଥିଲେ । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଏହା ଦେଖି ତାଙ୍କ ସହକର୍ମୀ ତୁରନ୍ତ ବରିଷ୍ଠ କର୍ମଚାରୀ ଏବଂ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ବର୍ତ୍ତମାନ ପ୍ଲାଣ୍ଟ ଭିତରକୁ ବାହାର କୌଣସି ଲୋକଙ୍କୁ ଛଡ଼ା ଯାଉ ନଥିବା ବେଳେ କେବଳ ମୃତ ଶ୍ରମିକଙ୍କ ପରିବାର ଲୋକେ ପ୍ଲାଣ୍ଟ ଭିତରେ ଅଛନ୍ତି ।
