ଇମ୍ଫାଲ: ମଣିପୁରରେ ହିଂସାକୁ ନେଇ ରବିବାର ଏନ୍‌. ବୀରେନ ସିଂହ ରବିବାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ରାଜ୍ୟପାଳ ଅଜୟ କୁମାର ଭଲ୍ଲାଙ୍କୁ ସେ ଇସ୍ତଫାପତ୍ର ପ୍ରଦାନ କରିଛନ୍ତି । ଅଧିବେଶନ ସମୟରେ ବିରୋଧୀ ଦଳ ବୀରେନ ସିଂହଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିବାକୁ ଯୋଜନା କରୁଥିବାରୁ, କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏବଂ ସ୍ୱାସ୍ଥ୍ୟମନ୍ତ୍ରୀ ଜେପି ନଡ୍ଡାଙ୍କ ସହ ଆଲୋଚନା ପରେ ବୀରେନ ସିଂହ ଇସ୍ତଫା ଦେବାକୁ ନିଷ୍ପତ୍ତି ନେଇଥିଲେ। ରାଜ୍ୟପାଳ ବୀରେନ ସିଂହଙ୍କ ଇସ୍ତଫାପତ୍ର ଇସ୍ତଫାପତ୍ର ଗ୍ରହଣ କରିଥିଲେ ଏବଂ ବିକଳ୍ପ ବ୍ୟବସ୍ଥା ନହେବା ପର୍ଯ୍ୟନ୍ତ ତାଙ୍କୁ ପଦବୀରେ ରହିବାକୁ ଅନୁରୋଧ କରିଥିଲେ। କେନ୍ଦ୍ର ଗୃହମନ୍ତ୍ରୀ 

ଅମିତ ଶାହଙ୍କୁ ଭେଟିବା ପରେ ବୀରେନ ସିଂହ ଦିଲ୍ଲୀରୁ ଫେରିବାର କିଛି ଘଣ୍ଟା ପରେ ଇସ୍ତଫା ଦେଇଥିଲେ । ସେପଟେ ଦୀର୍ଘ ୨ ବର୍ଷ ପୂର୍ବରୁ  ମଣିପୁରରେ ଆରମ୍ଭ ହୋଇଥିବା ହିଂସା ଲାଗି ବୀରେନ ସିଂହଙ୍କ ଇସ୍ତଫା ଦାବି କରିଆସିଥିଲେ ବିରୋଧୀ । ଏବେ ବୀରେନ ସିଂହ ଇସ୍ତଫା ଦେଇଥିବା ବେଳେ ତାଙ୍କ ସ୍ଥାନ କିଏ ନେବେ ତାକୁ ନେଇ ଲାଗି ରହିଛି ଚର୍ଚ୍ଚା । ତାଙ୍କ ପରେ ମୁଖ୍ୟମନ୍ତ୍ରୀ କିଏ ହେବେ, ସେନେଇ ୫ ଜଣଙ୍କ ନାଁକୁ ନେଇ କଳ୍ପନା ଜଳ୍ପନା ଆରମ୍ଭ ହୋଇଯାଇଛି । 

ଥୋଙ୍ଗାମ ବିଶ୍ୱଜିତ ସିଂହ

ଥୋଙ୍ଗାମ ବିଶ୍ୱଜିତ ସିଂହ ଭାରତୀୟ ଜନତା ପାର୍ଟିର ସଦସ୍ୟ ଏବଂ ଇମ୍ଫାଲ ପୂର୍ବ ଜିଲ୍ଲାର ଥୋଙ୍ଗଜୁ ନିର୍ବାଚନମଣ୍ଡଳୀରୁ ୨୦୧୨ରୁ ମଣିପୁର ବିଧାନସଭାର ସଦସ୍ୟ ରହିଆସିଛନ୍ତି । ସେ ବର୍ତ୍ତମାନ ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ଏବଂ ଶକ୍ତି, କୃଷି, ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଅଛନ୍ତି । ପ୍ରଥମେ ସେ ୨୦୧୨ରେ ତୃଣମୂଳ କଂଗ୍ରେସ ପ୍ରାର୍ଥୀ ଭାବରେ ନିର୍ବାଚିତ ହୋଇଥିଲେ କିନ୍ତୁ ୨୦୧୫ରେ ଇସ୍ତଫା ଦେଇଥିଲେ । ଇସ୍ତଫା ଦେବା ପରେ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ ଏବଂ ଭାରତୀୟ ଜନତା ପାର୍ଟି ପ୍ରାର୍ଥୀ ଭାବରେ ଉପନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ବିଜୟୀ ହୋଇଥିଲେ।

ୟୁମନାମ୍ ଖେମଚାନ୍ଦ ସିଂହ

ୟୁମନାମ୍ ଖେମଚାନ୍ଦ ସିଂହ ମଣିପୁରର ବିଜେପି ନେତା । ୨୦୧୭ ଏବଂ ୨୦୨୨ରେ ମଣିପୁର ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟିର ପ୍ରାର୍ଥୀ ଭାବରେ ସିଙ୍ଗଜାମେଇ ନିର୍ବାଚନମଣ୍ଡଳୀରୁ ନିର୍ବାଚିତ ହୋଇଥିଲେ । ସେ ୨୦୧୭ ରୁ ୨୦୨୨ ପର୍ଯ୍ୟନ୍ତ ମଣିପୁର ବିଧାନସଭାର ବାଚସ୍ପତି ଥିଲେ । ବର୍ତ୍ତମାନ, ସେ ପୌର ପ୍ରଶାସନ ଗୃହ ବିକାଶ (MAHUD) ଏବଂ ଶିକ୍ଷା ବିଭାଗର କ୍ୟାବିନେଟ ମନ୍ତ୍ରୀ ଅଛନ୍ତି ।

ଥୋକଚୋମ ସତ୍ୟବ୍ରତ ସିଂହ

ଥୋକଚୋମ ସତ୍ୟବ୍ରତ ସିଂହ ମଣିପୁର ବିଜେପିର ଜଣେ ଟାଣୁଆ ନେତା ।  ୨୦୧୭ ଏବଂ ୨୦୨୨ରେ ମଣିପୁର ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟିର ପ୍ରାର୍ଥୀ ଭାବରେ ୟାଇସ୍କୁଲ ନିର୍ବାଚନମଣ୍ଡଳୀରୁ ନିର୍ବାଚିତ ହୋଇଥିଳେ । ବର୍ତ୍ତମାନ, ସେ ମଣିପୁର ବିଧାନସଭାର ବାଚସ୍ପତି । ସେ ମଣିପୁରର ଉପଭୋକ୍ତା ବ୍ୟାପାର, ଖାଦ୍ୟ ଏବଂ ସାଧାରଣ ବଣ୍ଟନ, ଆଇନ ଏବଂ ବିଧାନସଭା ବ୍ୟାପାର, ଶ୍ରମ ଏବଂ ନିଯୁକ୍ତି ମନ୍ତ୍ରୀ ଅଛନ୍ତି ।

ଥୌନାଓଜାମ ବସନ୍ତ କୁମାର ସିଂହ

ଥୌନାଓଜାମ ବସନ୍ତ କୁମାର ସିଂହ ବିଷ୍ଣୁପୁର ଜିଲ୍ଲାର ନାମ୍ବୋଲ ବିଧାନସଭା ନିର୍ବାଚନ ମଣ୍ଡଳୀରୁ ଚାରି ଥର ବିଧାୟକ । ସେ ଭାରତୀୟ ଜନତା ପାର୍ଟି ଟିକେଟ୍‌ରେ ୨୦୨୨ ମଣିପୁର ବିଧାନସଭା ଆସନରୁ ଲଢ଼ି ବିଜୟୀ ହୋଇଥିଲେ । ଏବେ ମଣିପୁରର ଶିକ୍ଷା ମନ୍ତ୍ରୀ ଅଛନ୍ତି ଥୌନାଓଜାମ ବସନ୍ତ କୁମାର ସିଂହ ।

ଗୋବିନ୍ଦାସ କନ୍ଥୌଜାମ

ଗୋବିନ୍ଦାସ କନ୍ଥୌଜାମ ସିଂହ ୨୦୨୨ରେ ସପ୍ତମ ଥର ଲାଗି ମଣିପୁର ବିଧାନସଭାକୁ ନିର୍ବାଚିତ ହୋଇଥିଲେ ।  ଗତ ନିର୍ବାଚନରେ ସେ ବିଷ୍ଣୁପୁର ନିର୍ବାଚନ ମଣ୍ଡଳୀରୁ ପ୍ରାର୍ଥୀ ହୋଇଥିଲେ । ସେ ରାଜ୍ୟର ପୂର୍ତ୍ତ ବିଭାଗ ସମେତ ଯୁବ ବ୍ୟାପାର ଏବଂ କ୍ରୀଡା ବିଭାଗର ମନ୍ତ୍ରୀ ଅଛନ୍ତି।