ଭଦ୍ରକ,୪/୪ : ହାସ୍ୟ ଅଭିନେତା ନରି ପାଣ୍ଡାଙ୍କୁ ଯାତ୍ରା ମାଲିକ ସଂଘ ବୈଠକରେ ବ୍ୟାନ୍ କରାଗଲା । ଏହାପରେ ବିଭିନ୍ନ ଆଡ଼ୁ ତେଜୁଛି ଏହି ବିବାଦ । ଏହାକୁ ନେଇ ସାମ୍ନାକୁ ଆସିଛନ୍ତି ଯାତ୍ରା ରାଜ ନନ୍ଦିନୀ ମାଲିକ ସ୍ମୃତି ରଞ୍ଜନ ପଲେଇ । ଯାତ୍ରା ମାଲିକଙ୍କ ବୈଠକକୁ ଯାତ୍ରା ରାଜ ନନ୍ଦିନୀ ମାଲିକଙ୍କୁ ନ ଡାକିବା ଘଟଣାରେ ପ୍ରତିକ୍ରିୟା ରଖିଛନ୍ତି। ରାଜ ନନ୍ଦିନୀ ମାଲିକ କହିଛନ୍ତି ନରି ପଣ୍ଡା ଆମ ଯାତ୍ରା ପାର୍ଟିକୁ ଆସିଲେ ଆମେ ତାଙ୍କୁ ସ୍ବାଗତ କରିବୁ । ଭଦ୍ରକ ଜିଲ୍ଲାର ଯାତ୍ରା ଅନୁଷ୍ଠାନ ଯାତ୍ରା ସୁନ୍ଦରୀ ରାଜ ନନ୍ଦିନୀ ମାଲିକ ସ୍ମୃତି ରଞ୍ଜନ ପଲେଇଙ୍କୁ ଯାତ୍ରା ମାଲିକ ସଙ୍ଘର ବୈଠକକୁ କୌଣସି ମାଲିକ ଜଣାଇ ନ ଥିବା କହିଛନ୍ତି ।
ଯାତ୍ରାର ଏନ୍ତୁଡ଼ିଶାଳ ଭଦ୍ରକ ଜିଲ୍ଲାକୁ ଅଣଦେଖା ହୋଇଥିବା କହିଛନ୍ତି । ନରି ପଣ୍ଡା ଭଦ୍ରକ ଜିଲ୍ଲାର ହୋଇଥିବାରୁ ଭଦ୍ରକ ଜିଲ୍ଲାର ଯାତ୍ରା ପାର୍ଟିର ମାଲିକଙ୍କୁ ଡକା ଗଲା ନାହିଁ । ତେବେ ମାଲିକଙ୍କ ମଧ୍ୟରେ ସମନ୍ଵୟ ଅଭାବ ପାଇଁ କଳାକାର ମାଡ଼ ଖାଉଛନ୍ତି । ନରି ପଣ୍ଡା ଯଦି ମାଲିକଙ୍କୁ ଦୁର୍ବ୍ୟବହାର କରିଛନ୍ତି ତେବେ ତାହା ନିନ୍ଦନୀୟ । କିନ୍ତୁ ମାଲିକ ସଂଘ ତରଫରୁ ନରି ପଣ୍ଡାଙ୍କୁ ବୟକଟ କରିବା ବିଷୟରେ ମୁଁ ଅବଗତ ହୋଇନାହିଁ । ତେଣୁ ଯଦି ନରି ପଣ୍ଡା ଯାତ୍ରା ରାଜ ନନ୍ଦିନୀକୁ ଆସନ୍ତି ତେବେ ଆମେ ତାଙ୍କୁ ସ୍ବାଗତ କରିବୁ ବୋଲି କହିଛନ୍ତି ଯାତ୍ରା ରାଜ ନନ୍ଦିନୀର ମାଲିକ ସ୍ମୃତି ରଞ୍ଜନ ପଲେଇ ।
ତେବେ କଳାକାରଙ୍କୁ ମୋଟା ଅଙ୍କର ଟଙ୍କା ଦେଉଛନ୍ତି । ଅନ୍ୟ ଯାତ୍ରା କର୍ମଚାରୀମାନେ ଅବହେଳିତ ହେଉଛନ୍ତି । ଏମିତି ସ୍ଥିତି ରହିଲେ ଆଗାମୀ ସମୟରେ ଯାତ୍ରା ଅନୁଷ୍ଠାନ ଗୁଡ଼ିକ ଖୁବ୍ କମ୍ ଦିନରେ ବନ୍ଦ ହୋଇଯିବ ବୋଲି କହିଛନ୍ତି ରାଜ ନନ୍ଦିନୀ ।
