କେନ୍ଦୁଝର ସଦର,୩/୪ : ସାଇବର ଠକଙ୍କ ନୂତନ ପ୍ଲାନ୍। ପରୀକ୍ଷା ଖାତାରେ ନମ୍ବର ବଢାଇବାକୁ ଆସିଲା ଫୋନ୍। ଏହାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ଏଭଳି ଏକ ଘଟଣା ନଜରକୁ ଆସିଛି କେନ୍ଦୁଝର ଜିଲ୍ଲା ସଦର ବ୍ଲକ ଅନ୍ତର୍ଗତ କାଉଁରୀକଳା ଗ୍ରାମରେ ।
ସୂଚନା ଅନୁସାରେ କାଉଁରୀକଳାର ପରୀକ୍ଷାର୍ଥୀ ଚିନ୍ମୟୀ ମୁଣ୍ଡାର ଭାଈ ସହଦେବ ମୁଣ୍ଡାଙ୍କୁ ଆଜି ଦିବା ୧.୪୫ ସମୟରେ ଏକ ନମ୍ବରରୁ ଫୋନ ଆସିଥିଲା । ଜଣେ ସାଇବର ଠକ ଫୋନ୍ କରି +୨ ପରୀକ୍ଷାର ଖାତା ଦେଖା ଚାଲିଛି ଆପଣଙ୍କ ପରୀକ୍ଷାର୍ଥୀ ଚିନ୍ମୟୀ ମାତ୍ର ୨୫ ନମ୍ବର୍ ରଖିଛି ଯାହା ଫେଲ ହେବାକୁ ଯାଉଛି। ପାସ କରିବାକୁ ହେଲେ ଆପଣ ୬ ହଜାର ଟଙ୍କା ଦିଅନ୍ତୁ ପାସ କରି ଦିଆଯିବ ବୋଲି କହିଥିଲେ । ପରୀକ୍ଷାର୍ଥୀର ଭାଇ ସହଦେବ ମୁଣ୍ଡାଙ୍କୁ ଠକ ଜଣ ଫୋନ୍ କରିଥିଲା । ଏବେ ଏହାର ଅଡ଼ିଓ ଭାଇରାଲ ହେବାରେ ଲାଗିଛି।
