ବଣାଇ ୦୩/୦୪ : ବିଜେଡି ନେତା ରାଜା ଚକ୍ରଙ୍କ ପାଇଁ ପୁଣି ବଢ଼ିଲା ଚିନ୍ତା । ଅଧିକ ଖୋଳତାଡ଼ ପାଇଁ କୋଇଡା ଅଞ୍ଚଳରେ ଇଓଡବ୍ଲୁ ଟିମ୍ ପକ୍ଷରୁ ଚଢାଉ କରାଯାଇଛି । ଏହି ଚଢାଉରେ ପେଟ୍ରୋଲ୍ ପମ୍ପ ନିକଟରୁ ୩ଟି ହାଇଓ୍ୱା ଗାଡ଼ିକୁ ଜବତ କରାଯାଇଛି। ଏଥିସହିତ ବିଭିନ୍ନ ଗୁରୁତ୍ବପୂର୍ଣ୍ଣ କାଗଜପତ୍ର ମଧ୍ୟ ଯାଞ୍ଚ କରୁଛି କ୍ରାଇମବ୍ରାଞ୍ଚର ଅର୍ଥନୈତିକି ଅପରାଧ ଶାଖା।
ସୂଚନା ଅନୁଯାୟୀ, ଗୁରୁବାର ଅର୍ଥନୈତିକି ଅପରାଧ ଶାଖାର ଦୁଇ ଜଣିଆ ଟିମ୍ କୋଇଡ଼ା ଅଞ୍ଚଳରେ ଚଢାଉ କରିଥିଲା । ରାଜା ଚକ୍ରର ବିଭିନ୍ନ ଠିକଣାରେ ଇଓଡବ୍ଲୁ ପକ୍ଷରୁ ହୋଇଥିବା ଚଢଉରେ ୩ଟି ହାଇଓ୍ୱା ଗାଡ଼ିକୁ ଜବତ କରିଛି । ଏହାସହିତ ବିଭିନ୍ନ ଗୁରୁତ୍ୱପୂର୍ଣ୍ଣ କାଜଗପତ୍ର ମଧ୍ୟ ଜବତ ହୋଇଥିବାର ସୂଚନା ମିଳିଛି । ଏହାବ୍ୟତୀତ ପୂର୍ବରୁ ମଧ୍ୟ ରାଜା ଚକ୍ରର ବିଭିନ୍ନ ଠିକଣା ଚଢାଉ ହୋଇଥିଲା । ଯେଉଁଇ ପ୍ରାୟ ୨୦ଟି ଗାଡ଼ିକୁ ଖଣିରୁ ସିଜ୍ କରିଥିଲା ଇଓଡବ୍ଲୁ ଟିମ୍ । ଗନ୍ଧମାର୍ଦ୍ଦନ ଖଣି ଲୋଡିଂ ଏଜେନ୍ସି ଘୋଟାଲ ଖୋଳତାଡ଼ ଚାଲିଛି।
ସୂଚନାଯୋଗ୍ୟ ଯେ, କେନ୍ଦୁଝର ‘ଗନ୍ଧମାର୍ଦନ ଲୋଡିଂ ଏଜେନ୍ସି’ ଏବଂ ପରିବହନ ସମବାୟ ସମିତି ଲି. ୨୦୦୬ରେ ପଞ୍ଜିକୃତ ହୋଇଥିଲା। ସୋସାଇଟି ଦ୍ୱାରା ପ୍ରାପ୍ତ ଲାଭରୁ ଖଣି ପ୍ରଭାବିତ ଅଞ୍ଚଳର ବାସିନ୍ଦାଙ୍କ ଆର୍ଥିକ ଉନ୍ନତିମୂଳକ କାର୍ଯ୍ୟ ଖର୍ଚ୍ଚ କରାଯାଏ । ପରେ ଷଡ଼ଯନ୍ତ୍ର କରି ଶ୍ରମଦେୟ, ପରିଧି ବିକାଶ, ଭିତ୍ତିଭୂମି ଖର୍ଚ୍ଚ, ପ୍ରଭାବିତ ସଦସ୍ୟଙ୍କୁ ଦେୟ, ଇପିଏଫ କାଟ୍ ବାବଦରେ ମିଥ୍ୟା ଦସ୍ତାବିଜ ପ୍ରସ୍ତୁତ କରି କୋଟି କୋଟି ଟଙ୍କା ଆତ୍ମସାତ କରାଯାଇଥିବାର ଅଭିଯୋଗ ହୋଇଥିଲା। ଏହି ଅଭିଯୋଗକୁ ଆଧାର କରି ତଦନ୍ତ ଆରମ୍ଭ ହୋଇଥିଲା । ଘଟଣାରେ ତଦନ୍ତ କରି ରାଜା ଚକ୍ରଙ୍କ ସହିତ ୪ ଜଣ ସହଯୋଗୀଙ୍କୁ ଗିରଫ କରାଯାଇଥିଲା ।
