ନୂଆଦିଲ୍ଲୀ: ସୁପ୍ରିମକୋର୍ଟର ପ୍ରଧାନ ବିଚାରପତି (CJI) ଡିଓ୍ବାଇ ଚନ୍ଦ୍ରଚୂଡ ତାଙ୍କର ସରଳତା ପାଇଁ ସାରା ଦେଶରେ ବେସ୍ ପ୍ରଂଶସନୀୟ । ସିଜେଆଇ ଚନ୍ଦ୍ରଚୂଡଙ୍କ ସହକର୍ମୀ ଆଡଭୋକେଟ୍ ମାନସୀ ଚୌଧରୀ ତାଙ୍କର ଏକ ବ୍ଲଗରେ ସିଜେଆଇଙ୍କୁ ଉଲ୍ଲେଖ କରିଛନ୍ତି । ଏହି ସମୟରେ ସେ କହିଛନ୍ତି ଯେ, ସିଜେଆଇ ସହ କାମ କରୁଥିବା ଲୋକଙ୍କ ଛୋଟ ଛୋଟ ଜିନିଷଗୁଡ଼ିକର ମଧ୍ୟ ସେ ଯତ୍ନ ନିଅନ୍ତି । ଆଡଭୋକେଟ୍ ମାନସୀ ଚୌଧୁରୀ କହିଛନ୍ତି ଯେ, ଦେଶର ସବୁଠାରୁ ବ୍ୟସ୍ତବହୁଳ ବ୍ୟକ୍ତି ହୋଇଥିଲେ ହେଁ ପ୍ରଧାନ ବିଚାରପତି ତାଙ୍କ ଟିମ୍କୁ ପରିବାର ପରି ବ୍ୟବହାର କରୁଥିଲେ।
ଆଡଭୋକେଟ୍ ମାନସୀ ଚୌଧରୀ ଲେଖିଛନ୍ତି ଯେ, ଦିନେ ସେ ଅସୁସ୍ଥ ହୋଇପଡିଥିଲେ ଏବଂ CJI ଏବଂ ତାଙ୍କ ପରିବାର କିପରି ତାଙ୍କର ଯତ୍ନ ନେଇଥିଲେ । ତାଙ୍କ ବ୍ଲଗ୍ ମାଧ୍ୟମରେ ସେ କହିଛନ୍ତି ଯେ, ଦିନେ ମତେ ଜ୍ୱର ହୋଇଥିଲା ଆଉ ଅଫିସକୁ ଯାଇପାରିଲି ନାହିଁ, ତେଣୁ ସେ (CJI) ମୋତେ ଫୋନ୍ କରି ମୋ ସ୍ୱାସ୍ଥ୍ୟ ବିଷୟରେ ପଚାରିଲେ । ଯେତେବେଳେ ମୁଁ ଜାଣିବାକୁ ପାଇଲି ଯେ ଅଫିସରେ ମୋର ଖାଦ୍ୟ ବିଷାକ୍ତ ହୋଇଯାଇଥିଲା, ସେତେବେଳେ ମୋର ମନେ ଅଛି ଯେ ସାର୍ ଏବଂ ମାମ୍ ’(CJI ଏବଂ ତାଙ୍କ ପତ୍ନୀ) କିଭଳି ମୋର ଯତ୍ନ ନେଉଥିଲେ ।
"ମୁଁ ଯେତେବେଳେ ଅଫିସକୁ ଗଲି, ସାର୍ (ସିଜେଆଇ) ଙ୍କ ସଚିବ ମୋତେ ପଚାରିଥିଲେ ମୋ ପାଖରେ କୌଣସି ଔଷଧ ଅଛି କି ନାହିଁ । ପରବର୍ତ୍ତୀ ମୁହୂର୍ତ୍ତରେ ସାର୍ ଏବଂ ମାମ୍ ମୋତେ ଭିତରକୁ ଡାକି ଔଷଧ ଦେଇଥିଲେ। କେବଳ ଏତିକି ନୁହେଁ, ସେମାନେ ମତେ ଅତିଥି ଭାବେ ବ୍ୟବହାର କଲେ ଏବଂ ମୋତେ ସେଠାରେ ବିଶ୍ରାମ ନେବାକୁ କହିଥିଲେ । ଦ୍ବିପ୍ରହର ଖାଦ୍ୟପାଇଁ ମାମ୍ ମୋ ପାଇଁ ସ୍ବତନ୍ତ୍ର ଖିଚିଡି ମଧ୍ୟ ପ୍ରସ୍ତୁତ କରିଥିଲେ ।