ନୂଆଦିଲ୍ଲୀ: ମୋବାଇଲ ଟାରିଫ ମହଙ୍ଗା ହୋଇଛି । ଦେଶର ସବୁଠୁ ବଡ଼ ଟେଲିକମ୍ କମ୍ପାନି ରିଲାଏନ୍ସ ଜିଓ ନୂଆ ମୋବାଇଲ ଟାରିଫ ପ୍ଲାନ୍ ଘୋଷଣା କରିଛି । ଇଣ୍ଟରନେଟ୍ ଦାମ ମହଙ୍ଗା ହେବାକୁ ଯାଉଛି । ନୂଆ ରେଟ୍ ସଂପର୍କରେ କମ୍ପାନି ପକ୍ଷରୁ ସୂଚନା ଦିଆଯାଇଛି । ଏହି ନୂଆ ଟାରିଫ୍ ପ୍ଲାନ ୩ ଜୁଲାଇ ୨୦୨୪ରୁ ଲାଗୁ ହେବ ।
ନୂଆ ଟାରିଫ୍ ପ୍ଲାନ ଅନୁସାରେ, ପ୍ରଥମେ ୨୮ ଦିନ ପାଇଁ ଯେଉଁ ରିଚାର୍ଜ କରିବାକୁ ପଡ଼ୁଥିଲା ସେଥିରେ ବୃଦ୍ଧି ଘଟିଛି । ପୂର୍ବରୁ ୧୫୫ ଟଙ୍କାରେ କରୁଥିବା ରିଚାର୍ଜର ଦାମ ଏବେ ୧୮୯ ଟଙ୍କା । ୨୦୯ ଟଙ୍କାର ପ୍ଲାନ୍ ୨୪୯ ଟଙ୍କା ହୋଇଥିବା ବେଳେ ୨୩୯ ଟଙ୍କାର ପ୍ଲାନ୍ ଏବେ ୨୯୯ ଟଙ୍କା ।
ସେହିଭଳି ୨୯୯ର ପ୍ଲାନ୍ ୩୪୯ ଟଙ୍କା ହୋଇଛି । ୩୪୯ ଟଙ୍କାର ରିଚାର୍ଜ କଲେ ୨.୫ ଜିବି ଡାଟା ପ୍ରତିଦିନ ମିଳୁଥିଲା । କିନ୍ତୁ ଏବେ ଏହି ସୁବିଧା ପାଇଁ ୩୯୯ ଟଙ୍କା ଦେବାକୁ ପଡ଼ିବ । ୩୯୯ ଟଙ୍କାର ପ୍ଲାନ ମହଙ୍ଗା ହୋଇ ୪୪୯ ଟଙ୍କାରେ ପହଞ୍ଚିଛି । ଏହି ପ୍ଲାନରେ ୩ ଜିବି ଡାଟା ପ୍ରତିଦିନ ମିଳୁଥିଲା ।