ମୁମ୍ବାଇ ୨୦/୦୭: ପୁଅ ହେଉ ଅବା ଝିଅ। ବିବାହକୁ ନେଇ ମା ସର୍ବଦା ଚିନ୍ତିତ ଥାଏ। ଏପରି କିଛି ଦେଖିବାକୁ ମିଳିଥିଲା ଅନନ୍ତ ଅମ୍ବାନୀଙ୍କ ବିବାହରେ ମଧ୍ୟ । ପୁଅର ବିବାହରେ ନୀତା ଅମ୍ବାନୀ ବେଶ୍ ଖୁସି ଦେଖାଯାଉଥିଲେ। ଏହି ସମୟରେ ସେ ତାଙ୍କ ହାତରେ ଏକ ବସ୍ତୁ ଧରିଥିଲେ । ଯାହାକୁ ନେଇ ସମସ୍ତଙ୍କ ମନରେ ପ୍ରଶ୍ନ ଯେ ସେ କ’ଣ ଧରିଥିଲେ।
ଅନନ୍ତ ଯେତେବେଳେ କାରରେ ୱେଡିଂ ଭେନ୍ୟୁରେ ଏଣ୍ଟ୍ରି ନେଲେ, ନୀତା ଅମ୍ବାନୀ ତାଙ୍କ ହାତରେ ଭଗବାନଙ୍କ ଗଣେଶଙ୍କ ମୂର୍ତ୍ତି ଧରିଥିଲେ। ମୂର୍ତ୍ତି ବ୍ୟତୀତ ଏକ ସ୍ୱସ୍ତିକ ଏବଂ ଦୀପ ରଖିଥିଲେ। ଏହାକୁ ନିଜ ହାତରେ ନେଇ ନୀତା ତାଙ୍କ ପୁଅକୁ ସ୍ୱାଗତ କରିଥିଲେ। ସେହି ଗଣେଶ ପ୍ରତିମାକୁ ‘ରମଣ ଦେବୋ’ କୁହାଯାଏ। ଏହା ଏକ ପ୍ରକାର ରୀତିନୀତି, ଯାହ ସେ କରିଥିଲେ। କୁହାଯାଏ ଏହି ରୀତି ଦ୍ୱାରା ବରକୁ ଖରାପ ନଜର ଲାଗିନଥାଏ ଏବଂ କୌଣସି ବାଧା-ବିଘ୍ନ ବିନା ବିବାହ ସମାପ୍ତ ହୋଇଥାଏ।
ଏହି ସମୟରେ ଭଉଣୀ ଇଶା ଅମ୍ବାନୀଙ୍କ ହାତରେ ଏକ କଳସ ଦେଖାଯାଇଥିଲା ଯାହାକୁ ଲୁଣ କୁହାଯାଏ । ଏହି କଳସରେ ଏପରି ଜିନିଷ ପକାଯାଏ ଯାହା ଦ୍ୱାରା ଏହା ଝୁଣଝୁଣ ଶବ୍ଦ କରେ । ଏହା କରିବା ଦ୍ୱାରା ଆଖପାଖର ନକାରାତ୍ମକ ଶକ୍ତି ଦୂର ହୋଇଥାଏ।