ନୂଆଦିଲ୍ଲୀ, ୫/୯ : ଟେଲି ଅଭିନେତ୍ରୀ ହୀନା ଖାନ ବ୍ରେଷ୍ଟ କ୍ୟାନ୍ସରରେ ସଂଘର୍ଷ କରୁଛନ୍ତି । ସେ କ୍ୟାନ୍ସରର ଶେଷ ଷ୍ଟେଜରେ ଅଛନ୍ତି । ହୀନା କ୍ୟାମିଓଥେରାପି ମାଧ୍ୟମରେ ନିଜ ଚିକିତ୍ସା କରୁଛନ୍ତି । ଅଭିନେତ୍ରୀ ପ୍ରତ୍ୟେକ ଦିନ ସୋସିଆଲ ମିଡ଼ିଆ ମାଧ୍ୟମରେ ଫ୍ୟାନ୍ସଙ୍କୁ ନିଜ ସ୍ବାସ୍ଥ୍ୟର ଅପଡେଟ ଦେଉଛନ୍ତି । ଏବେ ହୀନା ନିଜ ରୋଗର ଚିକିତ୍ସା କରାଇବା ଲାଗି ବିଦେଶ ଯାଇ ସାରିଛନ୍ତି ।
ବ୍ରେଷ୍ଟ କ୍ୟାନ୍ସରର ଚିକିତ୍ସା କରିବା ଲାଗି ହୀନା ଆଜି ଆମେରିକା ଲାଗି ଉଡ଼ାଣ ଭରି ସାରିଛନ୍ତି । ଅଭିନେତ୍ରୀଙ୍କୁ ଏୟାରପୋର୍ଟରେ ସ୍ପଟ୍ କରାଯାଇଛି । ଏହି ସମୟରେ ସେ ଗୋଲାପୀ ରଙ୍ଗର ସୁଟ୍ ପିନ୍ଧିବା ସନ୍ ଗ୍ଲାସ୍ ପିନ୍ଧିଥିବା ଦେଖାଯାଉଛନ୍ତି । ହୀନା ପାପାରାଜିଙ୍କୁ ପୋଜ ଦେଇ ସେଠାରୁ ଯାଇଥିଲେ । ଏବେ ଅଭିନେତ୍ରୀଙ୍କ ଏୟାରପୋର୍ଟ ସାମ୍ନାରୁ ଆସିଥିବା ଏହି ଭିଡ଼ିଓ ଉପରେ ଫ୍ୟାନ୍ସମାନେ ବହୁ ଭଲପାଇବା ଦେଖାଉଛନ୍ତି ଏବଂ ସେ ଖୁବଶୀଘ୍ର ଭଲ ହେବା ପାଇଁ ପ୍ରାର୍ଥନା କରୁଛନ୍ତି ।