ମୁମ୍ୱାଇ -୨୦୧୮ ମସିହାରେ ଆସି ଥିବା ରଜନୀକାନ୍ତଙ୍କ ଫିଲ୍ମ ୨.୦ ବ୍ଲକବଷ୍ଟର ହିଟ୍‌ ହୋଇଥିଲା। ଫିଲ୍ମରେ ରଜନୀକାନ୍ତ ଚିଟ୍ଟି ନାମକ ରୋବୋଟ୍‌ର ଚରିତ୍ରରେ ନଜର ଆସି ଥିଲେ ଏବଂ ଅକ୍ଷୟ କୁମାର ପକ୍ଷୀରାଜନ ନାମକ ଭିଲେନ ରୋଲ୍ କରି ଥିଲେ। ଏହି ଫିଲ୍ମ ୨୦୧୦ ମସିହାରେ ରିଲିଜ୍‌ ହୋଇଥିବା ରଜନୀକାନ୍ତଙ୍କ ଫିଲ୍ମ ରୋବୋଟର ପାର୍ଟ-୨ ଥିଲା। 

ଖୁବ୍‌ କମ୍‌ ଲୋକ ଜାଣିଥିବେ, ଉକ୍ତ ଫିଲ୍ମର ପାର୍ଟ-୨ ( ୨.୦) ପାଇଁ ଆମିର ଖାନଙ୍କୁ ପ୍ରଥମେ ରୋଲ୍‌ ଅଫର କରାଯାଇ ଥିଲା। କିନ୍ତୁ ସେ ଏହି ରୋଲକୁ ରିଜେକ୍ଟ କରି ଦେଇ ଥିଲେ, ଏହାପରେ ଶେଷରେ ରଜନୀକାନ୍ତ ହିଁ ଏହି ଚରିତ୍ର କରି ଥିଲେ। 

ବଲିଉଡ୍‌ର ମିଷ୍ଟର ପରଫେକ୍ସନିଷ୍ଟ ଆମିର ଖାନ୍ ଏକ ସାକ୍ଷାତକାରେ କହି ଥିଲେ - ତାଙ୍କୁ ଫିଲ୍ମର ନିର୍ଦ୍ଦେଶକ ଏସ୍‌. ଶଙ୍କର କଲ୍‌ କରି କହି ଥିଲେ ଯେ, ପ୍ଲିଜ୍‌ ଆପଣ ଏହି ଫିଲ୍ମ କରନ୍ତୁ। ଆମିର ଖାନ କହିଥିଲେ, ରଜନୀକାନ୍ତଙ୍କୁ ଲାଗୁ ଥିଲା କି, ଫିଲ୍ମର ୨ୟ ପାର୍ଟରେ ସେ ଜମିବେ ନାହିଁ, ଯେଉଁଥି ପାଇଁ ସେ ଚାହୁଁ ଥିଲେ,୨.୦ରେ ଲିଡ୍‌ ରୋଲ୍‌କୁ ଆଉ କିଏ ଅଭିନେତା କରନ୍ତୁ। କିନ୍ତୁ ପରେ ଯେତେବେଳେ ଆମିର ଖାନ ଫିଲ୍ମ ପାଇଁ ନିଜକୁ ପ୍ରସ୍ତୁତ କରିବା ଆରମ୍ଭ କଲେ ତ କିଛି ଏମିତି ହେଲା , ଯେଉଁଥି ପାଇଁ ସେ ଫିଲ୍ମ ଛାଡ଼ିବାକୁ ନିଷ୍ପତ୍ତି ନେଲେ।

ଆମିର ଖାନ୍ ସାକ୍ଷାତକାରରେ କହିଥିଲେ, ମୁଁ ଯେବେ ବି ଆଖି ବନ୍ଦ କରୁଥିଲି ତ ମୋତେ ରଜନୀ ସାର୍‌ ହିଁ ଏହି ରୋଲରେ ନଜର ଆସୁ ଥିଲେ। ମୁଁ ନିଜକୁ ସେ ରୋଲ୍ କରିବାରେ ଅନୁଭବ କରି ପାରୁ ନଥିଲି। ସେତେବେଳେ ମୁଁ ଶଙ୍କରଙ୍କୁ କଲ୍‌ କରି କହିଲି, ଶଙ୍କର ମୁଁ ଏହି ରୋଲ କରି ପାରିବି ନାହିଁ। କେବଳ ରଜନୀ ସାର୍‌ ହିଁ ଏହି ରୋଲ୍ କରି ପାରିବେ। ତାଙ୍କୁ ରିପ୍ଲେସ୍‌ କରିବା ଅସମ୍ଭବ।

ଆମିର ଖାନ କହିଥିଲେ , ମୁଁ ପ୍ରଥମ ପାର୍ଟ ଦେଖିଥିଲି ଏବଂ ମୋତେ ସେ ବହୁତ ଭଲ ଲାଗୁଥିଲେ ଏବଂ ଯେଉଁ ଭଳି ସେ ଏହି ଚରିତ୍ରକୁ ଗଢିଛନ୍ତି , ସେ ମୋର ମନରେ ପୂରା ଛାପି ହୋଇ ଯାଇଛନ୍ତି।